Tunglsýki Siggudísar

Ljót lygasaga af minningu lítillar stúlku

2009-12-07T21:45:00.002Z

Móðursystir mín er Fríða Magnúsdóttir sem hvílir í Hólavallagarði og lést þegar hún var 6 ára úr veikindum, botnlangabólgu réttara sagt. Fyritæki eitt hefur haft af því atvinnu að enda gönguferð við leiðið hennar og fara með svo ,,ógeðslega ljótar sögur að ég get varla sagt þær" (samkv., ,,leiðsögumanninum" sjálfum í Síðdegisútvarpinu)...

Hér eru nokkrir linkar á málið:

Síðdegisútvarpið (hér fer Jónas á kostum í mótsögnum og setur að ég held heimsmet)

Vísir (skemmtilegt að lesa síðustu setninguna)

Pressan

Dabbinn

Fjölskyldan hefur kosið að tjá sig ekkert um málið, það er bara of nákomið okkur til að við getum eitthvað verið að tala hlutlaust við þennan mann, eða það á við um mig amk... maðurinn ætti bara að halda sig erlendis, við spjörum okkur ágætlega án hans... lifandi sem látnir. Það er mín skoðun, Sigríðar Hafdísar Benediktsdóttur, dóttir mömmu minnar - stefndu mér ef þú vilt - ég skal bíða eftir þér í réttarsalnum ;)

Halló Hafnarfjörður!

2009-11-30T22:36:00.002Z

Já, eins og systir kær benti réttilega á þá er nú aldeilis langt síðan mar átti smá stund á þessu bloggi og týmdi orðum á intertúbunni - kenni Fésbókinni að hluta til um ástandið ;)

Ég er komin með vinnu - júhú! Fékk 70% starf hjá fyrirtæki sem heitir Forever Living og selur Aloe Vera safann sem margur er að taka sér til heilsubótar... fer örugglega að bögga ykkur með staðreyndum um heilsugeirann og lofsama þessar vörur eins og engin sé morgundagurinn. Við erum svo heppin að ég þurfti ekkert að skola til vistunartímanum hjá Gullu Nóu svo hún heldur bara áfram að skemmta sér með vinum sínum á leikskólanum frá 9-16 og skemmtir sér heldur betur vel! Það er aldrei neitt mál að fara með hana en hún er samt ósköp glöð þegar sú gamla kemur að ná í hana :)

Við erum búin að baka eina sort og svo var laufabrauðið steikt um síðustu helgi í faðmi stórfjölskyldunnar minnar - rosalega gaman að hitta allt fólkið okkar, það eru svo mörg börn og svo skemmtimtilegt fólk í mínu liði ;)

Annars er lítið að frétta, þannig séð - eitt dram að rata í blöðin bráðlega og kem ég til með að skrifa dálítið um það... en ekki fyrr en sá tími kemur eins og ein ljóshærð sagði hérna í denn ;-/

Gulla Nóa er þvílíkt að digga þessi jól og jólasveinana og hrífur okkur með í spenningnum - ég get ekki beðið eftir því að hún fari með skóinn sinn út í glugga, ég fer pottþétt núna með hana að sjá þessa blessuðu jólalest skrölta niður Laugaveginn og bara allskonar skemmtilegt framundan. Sú gamla (mamma) verður hjá okkur um jólin og erum við að spá í hvort mar eigi að fá sér lifandi tré eða splæsa í eitt óekta... hver er reynsla ykkar?

Já, daman er einnig að fá 2ja ára jaxlana sína - farin að tala og syngja heilmikið... ef hún er að dunda sér eitthvað og leika þá syngur hún viðstöðulaust - gaman að því ;)

Þangað til næst! (sem verður vonandi á þessu ári)

Vá - frábært!

2009-09-18T11:09:00.003Z

Uppáhaldslagið mitt um þessar mundir er lagið Beds are burning með Midnight Oil - áströlsk hljómsveit sem stendur með innfæddum Down under. Textinn fjallar um tilhneygingu okkar hvítu mannana að troða á öllu því sem við getum troðið, mergsjúa það sem okkur sýnist og sýna engum öðrum en okkur enga mannlega virðingu. Þetta hápólítíska lag varð til þegar áströlsk yfirvöld voru með neyðarflutninga á innfæddum þjóðflokki sem heitir Pintupi og voru á meðal þeirra síðustu sem ,,komu frá eyðimörkinni" - þeir voru semsé fluttir nauðugir og búa núna í einhverskonar landnemabyggð sem telur alveg 400 manns. The Oils eins og þeir eru kallaðir á meðal harðra aðdáenda, vöktu mikla athygli þegar þeir fluttu lagið á lokahátíð ´Olympíuleikana í Sidney árið 2000, á meðal áhorfenda var John Howard, forsætisráðherra en ríkistjórn hans þverneitaði að biðjast afsökunar á þessum aðgerðum sínum. Til að mótmæla því þá flutti The Oils lagið í bolum sem á stóð ,,Sorry" og varð ennþá frægari fyrir. Ég set hér myndskeið af þessum flutningi hér og vonast til að einhverjir getað dillað sér og glaðst yfir góðu lagi með góðum texta:

Í dag má vel útfæra textann á nýðingsháttum Dana á Grænlendingum, því maður veit ekki helminginn af því sem þeir hafa gert af sér þar - einnig meiga Icesave liðar taka þetta lag til sín, því við skuldum jú einhvern pening... ef einhver finnur veski á götunni má vel raula þetta lag - þetta er bara æðislegt lag og ég vildi að ég gæti látið spila það í jarðaförinni minni! ... það ætti já, kannski vel við? híhíhíhíhíhíhíhíh...

Hvað um það - núna í morgun bárust mér þær fréttir að Kófí Annar væri búinn að semja við The Oils og fá að brúka lagið, dúkka dulítið upp á textann, breyta smá og ætli að gefa út með fullt af frægu fólki og að þessu sinni er lagið tileinkað hnattrænni hlýnun jarðar - meðal þeirra sem ætla að koma að laginu er Bob Geldof, The Scorpions og.... DURAN DURAN!

Hlakka ekkert smá til að heyra - njótið helgarinnar, elskið hvert annað og knús á ykkur öll ;)

Talfan mín frosnaði og get ekki sprungt...

2009-09-10T14:11:00.003Z

Í tilefni af því að ég er komin með splúnku nýja fartölvu þá ákvað kjérlan að blogga smá ;) ...Aðeins að prufa nýja lyklaborðið og sjá hvernig vélin höndlar minniskubbinn úr myndavélinni ;) á þessari mynd má sjá (eins og glöggir lesendur hafa gert sér grein fyrir) mig, Gullu Nóu og tengdamömmu - en þarna erum við að skoða Tröllabörn, hraundyngju sem er rétt hjá Sandskeiðinu og þar.

Annars er lítið að frétta, lífið gengur sinn vanagang og allt að komast í fastar skorður - nema ég ;( Enga vinnu ennþá að fá og ég að verða búin að skrapa málninguna af veggjunum hjá mér sökum ofþrifnaðar... en koma tímar - koma ráð-ningar og ég skal fá vinnu í þessum mánuði! Ef enga vinnu verður að fá... þá bara baka ég eitthvað gúmmelaði og fer að selja í Kolaportinu ... hendi í Hummus og sel með niðurskornu grænmeti eða eitthvað... Allar ábendingar eru vel þvegnar, straujaðar og settar á bak við eyrað ;)

Bendi þeim fjölmörgu lesendum sem fylgjast með blogginu hennar Gullu Nóu á að það eru æsispennandi hlutir að gerast þar inni!

Jæja, best að ná í dömuna á leikskólann og fara heim að leika, lita og lommast ;)

You aint seen nothing yet...

2009-08-27T13:48:00.002Z

Já, mig langar til að vita hvað forseti vor er að gera þessa dagana - veit að hann er með hendina í fatla og allt það... en það hefur ógurlega lítið borið á honum og hans ,,spottum" undanfarið ár. Dorrit var að vísu að redda frægri leikkonu til að talsetja einhverja íslenska mynd... en það reddar ekki málunum hér. Finnst að maðurinn eigi að skammast sín fyrir sinn þátt í útrásinni, biðjast formlega afsökunar, bretta upp á gipsið og gera eitthvað .... ekki bara fara í reiðtúra og ríða hverju sem er.

Þegar hann gefur út þá yfirlýsingu að 80% af hans rausnarlegu launum fara í Fjölskylduhjálp Íslands - þá fær hann rokkstig og virðingu mína . . . ekki fyrr

Hummm...

2009-08-24T12:14:00.002Z

Ætti mar að fara að koma með færslu hér inni? Er búin að vera ferlega löt við uppfærslu á síðunum okkar allra og einmitt núna er svo mikið að gerast í lífi Gullu Nóu, Alla og Alex Skúla... einn kaffibolli í viðbót og þá kannski nenni ég að færslast - þangað til þarf ég að ryksuga, skúra og kaffióverdósa... ;)

700 Egs...

2009-07-18T12:04:00.004Z

Erum lent á Héraði og ilmurinn af grjónagraut svífur yfir vörnum hér í eldhúsinu hjá tengdó - það er svo sannarlega gott að komast í sumarfrí og njóta hvíldarinnar, þótt mar sé atvinnulaus! ...þeir nebblilega þurfa að fá frí líka, skiljiði...

Mæðgurnar á Mývatni - en þar var sko mý með stóru emmi!

Það er sko komið fullt af hári!

2009-07-11T18:54:00.003Z

Daman fór í bað áðan, sem er ekki í frásögur færandi - nema hvað mammsan ákvað að ýfa hárið almennilega svo hún gæti séð hvað það er orðið mikið... og það er bara orðið fullt mikið! Tveim sek. seinna var það fallið niður, enda svo fíngert... svo er það líka smá rautt ;)

Fyrsti túrinn búinn og nokkrir í augsýn...

2009-07-08T14:02:00.004Z

Ég fékk óvænta hringingu um daginn þegar við Alda vorum að mála herbergið hennar Gullu Nóu, en þá var það Þórhildur hjá Atlantik (en þau þjónusta skemmtiferðaskipin) sem bað mig um að taka fyrsta túrinn minn... daginn eftir! Ég náttlega gat ekki skorast undan því og fór með 48 Breta í skoðunarferð um Reykjavík og svo kíktum við í Bláa Lónið. Ferðin tók um fimm tíma og skemmtu allir sér konunglega - sérstaklega ég ;) Ég var heppin með samferðamenn, en þau hlógu að öllum bröndurum mínum og föttuðu ekki neitt að þetta var fyrsti túrinn minn. Ég komst að því að það skiptir mjög miklu máli að segja frá því sem ber fyrir sjónir í það og það skiptið og frekar segja bara Hafnarfjarðabrandara meðan ekið er um Hafnarfjörð heldur sögu Hafnarfjarðar og hvenær bærinn fékk kaupstaðaréttindi. Við Jónas bílstjóri fengum þjórfé og kjérlan (af sjálfsögðu) keypti sér bjór fyrir sinn hlut og slakaði vel á eftir ferðina með eldri borgurum frá Höfn, en þau voru á ferðalagi um suðurland og mamma bauð okkur í dinner með þeim. Ég er rosalega fegin því hvað þessi jómfrúarferð mín tókst vel og lagði svolítið mikla áheyrslu á að koma landinu vel frá mér - þ.e. ekkert vera að impra mikið á því neikvæða, frekar benda á það skemmtilega og skrýtna - og það er sko af nógu af taka í þeim efnum! Næsta skipulagða ferð er 28. þessa mánaðar og er ég strax farin að hlakka til að hafa áhrif á það hvernig fólk frá útlöndum huxar um okkur og okkar land ;)

Annars er Einsi minn að sigla í sumarfrí og við ætlum að fara í eitthvað road-tripp, mikið hlakka ég til að hverfa frá höfuðborginni og slaka á ... hef sjaldan haft jafm mikið að gera og í þessu blessaða atvinnuleysi mínu - hver dagur er fullskipaður af atburðum og gjörningum allsskonar.

Hér er svo daman í sparifötum, við héldum matarboð fyrir vinina í gær og hún smellti sér í kínadress og valdi svo sjálf skó í stíl! Smart, ekki satt?

Djæses...

2009-05-26T14:33:00.003Z

Ætli mar sé alveg búin að gleyma því að blogga hér... mar er kannski orðin svona h-menntaður og merkilegur messig? Ónei, bara búin að vera að njóta lífsins og reyna að finna mér einhverja vinnu. Ef einhver vill ráða ferska og skemmtilega leiðsögukonu til að leiðsegja sér, er um að gera að hafa samband við mig - það er nefnilega fullt af stöffi þarna úti sem mar veit ekki um ;-) Vissuð þið t.d. að Lundinn er tryggur fugl, makar sig fyrir lífstíð en ef kjérla er sein á varpstaðinn og karlinn verður leiður á að bíða eftir henni... fær hann sér bara aðra (yngri?) kerlu :-/ Ef gamla kjérlan kemur síðan og seint - þá hættir hann bara með þessari nýju og heldur tryggð sinni við þá ,,gömlu" ... ógó sætt ;-)

Langar til að benda ykkur á...

2009-05-14T13:15:00.002Z

... þetta hér - ógó sneddý og gaman að fylgjast með ;-)

Bara pínkulítið frá... leiðsögukonunni!

2009-05-13T22:04:00.002Z

Jæja, þá er ég búin með skólann og stóðst öll próf - þurfti að vísu að taka endurtekningarpróf í einu fagi en það var erfiðasta fagið og er ég eiginlega bara fegin að hafa fengið að taka það tvisvar, kann efnið þá núna 150% (smá Pollýanna hér ;ö) ) Útskrift núna 20. þessa mánaðar og á að vera eitthvað kirkjudæmi í einn og hálfan tíma og er ég barasta að spá í að mæta í það... er búin að hafa svo mikið fyrir þessu að annað er eiginlega ekki hægt ;-) Kláraði semsé skólann í gær og var kærkomið að getað leikið sér með GN án þess að fá samviskubit. Dagskráin var ekki alveg búin hjá mér því í morgun þurfti ég að fara í keiluskurð og er að jafna mig af þeim óskupum núna - eru reyndar minni ósköp en ég hélt ... vonandi verður það bara þannig áfram :-)

Nice dagar framundan - Listahátíð og allskonar, Íslendingur var að opna... ég get eiginlega ekki planað mikið fram í tímann því ég ofplana þá allt og allt fer þá bara í klessu... svo eru komnir einhverjir ferðabæklingar úr prentun og liggja niðri í upplýsingamiðstöð og ég er ekki búin að koma höndum mínum yfir þá...!

Mmmmmm... tómatsósa!

Af NY-förum og fleira...

2009-04-28T12:11:00.002Z

Gleðilegt sumar, elskurnar mínar og takk fyrir veturinn - hann var harður, kaldur og reyndi á, en nú er bjart framundan og vorið komið ;-) Daman okkar farin að telja upp á tveim, talar alveg heilmikið og sum orð skilur maður, syngur, dansar og það er ekki annað hægt en að elska lífið þegar maður er umvafin fólkinu sínu sem manni þykir svo ógurlega vænt um. Ástæða þess að ég er svona óvenju væmin er að ég er að sjá á eftir frumburðinum til Svínaflensulandsins Bandaríkjanna með pabbsa sínum. Bjössi bauð Alla með sér í skemmtiferð til NY og ætla þeir að skella sér á tónleika með uppáhalds hljómsveitinni sinni Opeth og verður væntanlega ógurlega gaman hjá þeim - vildi bara óska að ég væri að fara með! Við fórum og skiptum gjaldeyri í gær, erum að pakka og skoða veðurspána í Stóra Eplinu - spenningurinn er mikill (hjá mér sérstaklega) og er svona eins og ég sé að kveðja barnið í fyrsta sinn. Þessi svínaflensa vekur svolítinn ugg hjá mömmuhjartanu í mér, en við töluðum við lækninn okkar í gær og fékk Alli flensumeðal til að láta honum líða betur EF hann fær þessa blessuðu flensu, þeir feðgar dæla bara í sig lyfinu og lenda í sóttkví við heimkomu EF þeir skyldu svo ólíklega smitast... sem gerist vonandi ekki (7, 9, 13... bánk á við, á einni löpp, með 17.júní fána í hendinni...)

Annars er lífið bara dásamlegt - ég er í prófatörn í skólanum sem þýðir að þetta er að verða búið hjá mér og þá er bara útskriftin eftir í lok maí... hlakkidýhlakk...

Hér er svo eitt tóndæmi fyrir ykkur svo þið sjáið hvaða eyrnaveislu strákarnir mínir eiga eftir að njóta:

Does she know or...?

2009-04-16T10:07:00.003Z

Daman litla alveg að gera út af við okkur í krúttlegheitum og öðrum skemmtilegheitum, alla morgna vaknar hún með bros á vör, knúsar okkur hægri vinstri og spjallar eins og hún eigi lífið að leysa. Hún er hroðalega hrifin af dýrum og er Gulla hin ferfætta í miklu uppáhaldi, en Gullan hin tvífætta er hætt að týna af henni hárin og er farin að strjúka henni og faðma við hvert tækifæri :-) Fugla elskar þetta barn þó mest af öllu í heiminum og sturlast hún af gleði ef hún sér þá, hvort sem við erum í gönguferð eða hvað. Um daginn var í fréttunum umfjöllun um bréfdúfur, veit ekki hvort þið munið eftir þessu - en barnið gjörsamlega trylltist af hamingju, gargaði og hló að sjónvarpinu :-) Frekar fyndið þar sem við erum ekkert sérstakt fuglafólk, þannig séð. Daman er þó farin að taka þetta aðeins of alvarlega, því við komum ekki með nokkru móti í hana sítrónukjúkling í gær, þótt hann væri dulbúinn sem hrísgrjón og hvítlauksbrauð :-(

Easter in the East...

2009-04-07T10:56:00.003Z

Við héldum austur þessa páska í afslöppun og prófalestur - það er bara ógurlega notalegt að vera í þögninni og kósýlegheitum, er meira að segja búin að grafa upp hvar við komumst í krækling! Svo það er bara gleði og hamingja hér :-)

Daman er farin að tala smá, syngur mikið og gengur um eins og enginn c morgundagurinn. Hún er þó að verða assgoti ákveðin (lesist: frek) og fer yfirleitt sínu fram, þessi elska. Hún setur upp óviðjananlega fyndinn svip þegar hún er að þykjast vera feimin eða þegar við hvessum okkur á hana og hvernig er þá hægt að vera reiður þegar snúllan er svona sæt?

Við vorum svo heppin að fá tvö risapáskaegg og erum búin að opna eitt og höfum því nægan tíma til að narta og borða það, ákváðum að eiða ekki einum degi í að óverdósa á tveim eggjum - af hverju að bíða með að borða eitthvað gúmmulaði þegar hægt er að eta það strax?

Daman komst í hraunmylsnu í morgun og því ekki að fá sér solleis gúmmelaði í morgunmat?

Og svo er ,,Takk" það nýjasta... :-)

2009-03-14T21:01:00.001Z

Og allt fór vel... af sjálfsögðu :-)

2009-03-09T16:41:00.002Z

Daman gisti í fyrsta sinn að heiman á laugard.kvöldið.... og þá er ég ekki að tala um mig :-) GN fór til uppáhaldsíns og var víst svo hroðalega ljúf og góð að annað eins hefur ekki sést - hún var amk mikið mun þægari og til miklu meira friðs en nokkrum sinnum hjá Gamla Settinu - hvernig sem stendur nú á því. Gamla settið fór á mannfögnuð mikinn með minni familíju - en Gunni Rikk frændi minn átti 20 ára brúðkaupsafmæli með Rosu sinni og auk þess verður hann fimmtugur núna í júní - svo það var ákveðið að koma þeim á óvart með suprise veislu. Heppnaðist hún ógurlega vel og var gaman að hitta liðið án þess að vera í jarðaför eða skírnarveislu :-) Gunni þessi hefur unnið í félagsmiðstöð Garðabæjar síðan hann hætti að hafa góða afsökun til að stunda hana og hafa margir haft góð og skemmtileg kynni af honum í gegnum tíðina. Nokkrar ræður voru fluttar, Gunni frændi tók lagið (Wild thing MEÐ hinum Gunnarinum í familýjunni, sem er bæjarstjórinn í Garðabæ) með einhverju fyrirbæri sem hét Gullfiskarnir... en þegar Jónsi stökk fram ásamt Sjonna Brink þá datt af mér kjálkinn og ég dó úr hlátri - þá eru þeir semsé undanfari Í svörtum fötum og ólust upp í félagsmiðstöðinni hjá Gunna frænda og tækjakostinum hans... þetta fannst mér vera alveg ógurlega fyndið og skemmtilegt - enda komin á 3ja bjór :-) Við fórum svo snemma heim, hjónaleysin - og skiðum í koju einhverntímann eftir miðnætti, iðandi í skinninu eftir að fá að sofa ,,út" - þ.e. hafa engan lítinn kropp sem tekur allt plássið og vaknar á 2ja tíma fresti. En af sjálfsögðu endaði þetta þannig að ég var alltaf að vakna, því mér brá svo við að það var engin aukretis í rúminu og hélt hún væri að detta fram úr - svo vaknaði ég bara að hreinum söknuði allt allt of snemma og nennti ekki að vera þunn og sofa meira - langaði miklu meira til að ná í dömuna og gera eitthvað skemmtilegt í góða veðrinu. Svo ég brunaði til Heyju og endurheimti mitt innra sjálf :-) Get samt ekki líst því hvað maður hafði gott af því að vera algerlega áhyggjulaus og hafa þetta víðtæka frelsi... rosalega lifði maður öðruvísi lífi fyrir 2 árum síðan en í dag :-/

Hvað um það... hér er svo nýjasta tískan hjá dömunni - stanslaust verið að æfa þetta:

Siggadís eða Alli?

2009-02-25T11:41:00.004Z

Elskulegur sonur minn ákvað að bregða sér í pils, topp og peysu af þeirri Gömlu - allt gert í nafni listarinnar... eða Öskursdaxsins. Þar sem ég lá upp í Hreiðri síðasta Öskurdag og hafði ekki nein tök á að koma drengnum í kvennmannsföt var það heldur betur toppað núna... Sú gamla fékk meira að segja að henda á hann smá augnmálningu! Hann er núna komin til vinanna og ætla þeir eitthvað að bralla... ég veit hreinlega ekki hvað, því það er orðið svo 2007 að syngja fyrir nammi - ætli þeir ætli sér ekki að syngja núna fyrir landa? Neinei... hehe... þeir eru nú ekki eins og foreldrarnir (sem betur fer) ... :-)

Strunsað póstnúmera á milli...

2009-02-23T23:15:00.002Z

Uppgefin á sál og líkama eftir daginn í dag og það var ekki einu sinni skóli! Dagurinn byrjaði á að syss bjargaði mér frá bifreiðsverkstæðinu sem ætlaði að 45 þúsund kílómetraskoða bílinn okkar, beint heim í bollukaffi, rjóma og búðingur - svo var arkað og náð í nýju þvottavélina okkar (sem er reyndar líka þurrkari - fengum hana á 83 þúsund kall (sýniseintak) og seldum þurrkarann svo þetta var ekki nema um 50 þúsund sem við borgum) - henni dröslað upp, með einni kaffipásu. Svo var beðið og beðið eftir að bíllinn yrði tilbúinn - um tvö bjalla ég til að vita stöðuna... hann verður tilbúinn um klukkan fimm! Ómæ - barnið verður að vera upppikkað fyrir klukkan fjögur, nöldra ég við stelpuna á verkstæðinu... hún ætlar að sjá hvað hún getur gert... beðið, feisbúkkað og þvottavélin tengd og græjuð á meðan. Jú, klukkan tíu mín yfir þrjú bjalla þau - bíllinn tilbúinn! Ég bara strax á www.bus.is og sé að ef ég næ næsta bus þá lendi ég í hálfs kílómetra fjarlægð frá verkstæðinu... svo ég hleyp þetta bara! Ekkert mál að taka eins og nokkur póstnúmer, einn vog, undirgöng, rigningu og rok... tók þetta á 25 mínútum - og er frekar stolt af, ef ég er spurð... sem ég er reyndar aldrei... hehe... já, og já... ég týmdi ekki að taka Taxa - frekar að anda að mér ferskri náttúru og hreyfa á mér rassgatið. Henst í loftstrókum að ná í barnið, en þar tjáir Hafdís mér að hún hafi sofið frekar illa og c pottþétt ennþá með í eyrunum... ég var alveg sammála því og þar sem læknavaktin ,,okkar" var að opna akkúrat kl. fjögur þá rauk ég með barnið í tjékk. Kom í kjós að allar grunsemdir voru á rökum reistar - og ekki nóg með það... hljóðhimnan á öðru eyranu var sprungin líka! Svo það var rokið út í apótek og á þessu augnabliki var ég akkúrat þreytta kjérlingin með spinnegal krakkann í apotekinu - barnið sem henti sér í gólfið, öskrandi og æpandi og mamman stendur vandræðaleg hjá og þykist ekkert kannast við krakkann... hún var svo gjörsamlega búin á því litla skinnið mitt - úfff... Svo rukum við bara heim og ég lofaði henni að hún mætti bara vera heima að leika og gera skemmtilegt þangað til hún færi að lúlla... fékk bara Alla minn til að passa hana meðan ég skaust eftir Einsa... Prufukeyrði þvottavélina ekkert fyrr en eftir fiskibollurnar og kom hún mjög vel undan skoðun. Á eftir að misþyrma henni svo á morgun að hún á eftir að óska sér að hafa lent í einhverju öðru póstnúmeri.

Við fórum í skemmtilegt roadtripp í gær, en þá bauð Einsi stelpunum sínum í sund í Keflavík. Þar er starfrækt Vatnaveröld, frábær staður til að fara með krakkana í sund og leika sér í innisundlaug... og manni verður aldrei kallt, eins og í Árbæjarlauginni. Svo bauð hann líka stelpunum sínum upp á hamborgara á Keili - það fannst okkur æðislegt og gaman að kíkja aðeins, örlítið út fyrir borgarmörkin. Endaði svo á að fá að þvo eina vél hjá Heyju minni og spjall fram eftir kvöldi - fjarri börnum, burum og karlmönnum... bara við stelpurnar tvær - langt síðan mar gerði það :-)

Annars er lítið að frétta - skóli á morgun og ferðalag um Reykjanesið um helgina... minnir mig á það... þarf víst að tala eitthvað í þeirri rútu og undirbúa mig :-)

Vellur úr eyrunum...

2009-02-12T12:07:00.002Z

Mánudagar, þriðjudagar og miðvikudagar eru miklir álagsdagar fyrir fjölskylduna því þá er Drottningin í skólanum seinnipart og fram á kvöld - hlakka því alltaf ógurlega mikið til fimmtudaganna en þá get ég slakað á og gefið mér tíma með dömunni og borðað kvöldmat með liðinu. Einn áfangi í skólanum ber af hvað erfiði varðar en það er tungumálanotkun 102 - þá eigum við að vera með fyrirlestra á því kjörmáli sem við höfum valið í skólanum, í mínu tilfelli ensku. Við eigum að tala í um sex mínútur um hvað sem við viljum troða í hausinn á erlendu ferðamönnunum. Persónulega finnst mér nóg um og mikið að gera við að rifja upp Innréttingarnar, sjálfstæðisbaráttu okkar, þróun íbúðabyggðar, byggingalistar og allskonar þannig... á máudaginn á ég að tala um fugla Íslands og hef verið að taka saman helstu punkta um helstu fugla okkar síðan á mánudaginn - hef liðið eins og að eitthvað velli út úr eyrunum á mér þegar ég leggst á koddann... svo mikill er fróðleikurinn og ekki síst öll þessi orð sem mar er að snúa á ensku... ekki vissi ég t.d. að Straumönd héti Harlequin duck á ensku eftir skrautklæddri persónu í frönsku commedia dell'arte... og er búin að gleyma því svona átta sinnum á síðasta sólarhring...

Annars er lítið að frétta - daman er á sýklalyfjum eftir að það uppgötvaðist að hún var með í eyrunum og sýkingu í augunum eftir síðustu helgi, hún var farin að vakna 15 sinnum fyrir kl. 23 á kvöldin og fór ég með hana til doksa bara svona til að láta kíkja í augun því hún var svo agalega rauðeygð og mikið pjæj kom... eftir skoðun var hún dæmd með í eyrunum og er búin að vera allt allt annað barn síðan - glöð og skríkir af gleði... vonandi er ég búin að endurheimta (duckdemand) litlu sætu GN mína ;-)

Amma Nóa og Gulla Nóa á góðri stund

Fyrir framan Seðlabankann í morgun:

2009-02-09T12:08:00.002Z

Góður húmor!

Til hamingju með afmælið, yndislegust!

2009-02-06T11:27:00.001Z

Horuð lítil dama!

2009-02-05T10:58:00.004Z

Nú er síðasti dagurinn sem daman er ekki orðin eins árs - svo þá er ekki seinna að vænna en að fara með hana í skoðin og láta tékka á þessu horrensli sem hún er n-þá með. Hún er ekki búin að þyngjast sem skyldi og fékk því endurskoðun, eigum að koma eftir 3 mánuði með hana til endurviktunar og tékka á höfuðmálinu aftur - ekkert til að hafa áhyggjur af en svona... aðeins fylgjast með henni. Þegar svona lítill kroppur verður veikur í 2 vikur eru aukakílóin greinilega fljót að fjúka og eins gott að hún hafði einhver aukakíló til að missa :-) Annars lítur þetta svona út: 78,5 cm í lengd og 9,620 í þyngd - höfuðmál 46,7 - okkur finnst hún vera flott og yndisleg, næstum alveg farin að sleppa sér... en er ferlega rög við það, fer bara að væla ef Alex Skúli hjálpar henni við þetta - sem er frekar fyndið því hún er alveg hroðalega óhrædd í stiganum, labbar niður á tveim jafnfljótum og vill ekki gera það örrísi...

Annars er afmælisundirbúningur að fara á fullt - er pottþétt að gleyma að bjóða fullt af fólki... Hvernig gerir mar svo svona ammlisköku með kremi og skreytingum án mikillar fyrirhafnar? Any ideas?

Já, það má alveg hringja í mömmu og bjóða henni hugmyndir... ekkert mál - kannski fæ ég að svara?

Hérna...

2009-02-04T13:14:00.001Z

... á einhver Almenna jarðfræði sem hann/hún vill selja mér? Tími eiginlega ekki að borga fimmþúsundogfimmhundruð fyrir hana...

Hrykalega...

2009-01-31T11:42:00.003Z

... fer það ofboðslega í pirrurnar á mér hvað Sjálfstæðisflokkurinn er ofboðslega sár eftir að hafa verið hent úr ökumannssætinu á slökkvibílnum. Geir segir að Samfylkingin hafi verið blinduð af hatri á einum manni og ,,látið undan þrýstingi" almúgans - það er náttúrlega augljóst að Sjálfstæðisflokkurinn einn getur verið blindur á það hvernig lýðræðið virkar... það að ,,láta undan" almúganum er lýðræðið... það að hlusta á fólkið er lýðræðið... þegar 80% þjóðarinnar vill þig ekki þá verður þú bara að fara úr ökumannssætinu...

Það nýjasta er að það er ógó dularfullt og gefur illan fyrirboða hvað það tekur langan tíma að mynda nýja ríkisstjórn og kynna hana... já.. er nema von? Þegar sjálfstæðisflokkurinn hefur haft það þannig í gegnum sínar myndandir að taka bestu kökubitana og skilja mylsnuna eftir fyrir samstarfsflokkinn á einum eftirmiðdegi... hvet ykkur til að lesa hann Davíð Þór aftan á Fréttablaðinu í dag... segir margt sem margur er að huxa :-)

Hvað um það - við gáfum skít í kreppuna í gær og keyptum okkur ógó stórt sjónvarp í gær - heilar 42" og það ekki einu sinni Phylips... heldur Philips :-) Við ákváðum að láta bara vaða því perukostnaðurinn í myndvarpann er orðinn svo hrykalega mikill að það borgar sig að huxa fram í tímann og reikna dæmið til enda... nú verður maður bara heima að skemmta sér á næstunni, horfa frítt en ólöglega niðurhalið efni í stóra sjónvarpinu, með næstum frítt heimabrugg í hendi :-)
Daman litla virðist vera búin að ná sér (aftur og einu sinni enn) en ekki er óhætt að fara með hana út í dag svo við kúldrumst inni bara... einn daginn enn :-)

Góða helgi allir saman!

Júhú!

2009-01-29T11:40:00.002Z

Það lítur út fyrir að þessari lotu sé lokið - í bili amk. Daman orðin hitalaus og leikur sér núna með Gullu sinni sæl og glöð :-) Ég er svooo óendanlega glöð og þakklát fyrir að eiga þó svona heilsuhrausta litla dömu, sem hefur bara tvisvar orðið veik um ævina - biði ekki í það ef maður væri mikið upp á spítala með áhyggjur af barninu sínu. Huxum mikið til lítillar frænku GN sem er upp á spítala og ætlum að nota tækifærið í dag og kaupa eitthvað sætt fyrir hana :-)

Sólin skín og það er svo dásamlega fallegt um að litast hér í Reykjavíkinni, snjórinn hylur allt og þá birtir svo dásamlega :-) Vonandi eigið þið öll góðan dag :-)

Adeno, smadenó...

2009-01-28T10:56:00.002Z

Óhh - ég á svooo bágt

Daman okkar búin að vera svo hroðalega veik, rjúka upp með yfir 40 stiga hita og tilheyrandi móki, hor og hósta - okkur leist ekkert á hana á mánudagskvöldið og fórum upp á Barnaspítala. Þar var hún vegin og metin eftir kúnstarinar reglum og við send heim um nóttina með þeim fyrirmælum að líma á hana poka til að ná þvagprufu... hægara sagt en gert hjá svona lítilli dömu sem var að þorna svolítið upp. Um morgunin tókst þetta samt allt saman og við aftur upp á spítalann til að fara í endurmat og skila hinum dýrmæta vökva. Jújú, eitthvað var þeim farið að gruna adenoveiruna um græsku í litla kroppnum okkar og eftir frekari skoðanir og sýnatöku, sem enduðu með þvaglegg þá kom niðurstaðan - adenoveirusýking og ekkert hægt að gera, nema dæla Powerade og stílum í barnið. Svo svona er ástandið búið að vera þessa vikuna... hor og slef út um allt :-/ Hún er samt hitalaus núna og er ég að vona að hún geti eitthvað smá kíkt til Hafdísar á morgun ...

Annars er ég bara á fullu í skólum þess á milli og hlakka óendanlega mikið til að fara í lítil roadtripp um suðurlandið og reykjanes til að kanna og skoða þessar náttúruperlur sem eru allt í kringum okkur :-)

Blóm og kransar vinsamlegast afþakkaðir...

2009-01-25T14:32:00.002Z

Þá er það búið - ekkert eftir nema pakka öllu niður og skríða í holuna... orðin eld eldgömul kjérling... :-/ Fékk þessa fínu afmælisveislu í gær, allur Austurvöllur saung og trallaði fyrir mig, gott að borða, gott að drekka og við enduðum á kjaftatörn hjá Heiðu og tók ég bara kvöldið snemma - komin heim um miðnætti. Sem betur fer - því daman er svo hroðalega veik, skinnið - fórum með hana til doksa í gær og hélt hann að hún hefði fengið aðra pest ofan í hina sem hún var með en ef hún er ekkert skárri í fyrramálið þá á að athuga málið betur. Í nótt þegar ég kom heim var hún óskup aum, svo ég pakkaði mér bara niður í rúm með henni og sváfum við vært saman - þangað til fjögur þegar daman vaknar og líður svona skelfilega illa - endaði á að æla og svo kom líka þessar hroðalegu drunur frá afturendanum (á henni - ekki mér). Ó mæ, huxuðum við því karlmennirnir á heimilinu eru búnir að taka Gullna hringinn Glæsilega í vikunni - en sem betur fer þá var þetta bara einhver stífla og loft... guði sé lof.

Hvað um það - mig langar alveg svakalega til að þakka þeim sem sungu svona fallega í gær á Austurvelli - þetta var mögnuð upplifun og hef ég bara sjaldan ... maður var bara orðlaus ... held að einhverjir Hugleikarar hafi komið nálægt þessu og segi ég bara: takktakk :-) Myndbrot af því hér

In thickness sickness...

2009-01-23T15:36:00.003Z

Það liggja svoleiðis allir hér á mínu heimili eins og hráviðri um allt... Einsi er búinn að vera með G&G (Gullfoss og Geysi) í nærri viku, Alli sömuleiðis og daman með hita, kvef og vott af Gullfossi... Ég aftur á móti stend pliktina og hleyp á milli kjúklinga með fötur, snýtubréf, bleyjur, mat, vökva... Er að fara að renna með Einsa upp á vakt því mér líst bara orðið ekkert á hann - fínt að missa nokkra lítra af vökva eftir jólin en fyrr má nú aldeilis vera!

Veikindi banka líka upp á á æðstu stöðum, en Geir og Rúna eru bæði með æxli - vonandi hefur þetta EKKI áhrif á mótmælendur - það er EKKI búið að boða til kostninga né hefur NOKKUR maður sagt af sér vegna þessa... þótt Geir hafi fengið þetta mein þá er það hans persónulega vandamál sem maður óskar honum of kors velfarnaðar í - en þar sem það má EKKI persónugera ástandið þá höldum við áfram á sömu braut - ekki satt?

Ætla að halda upp á afmælið mitt á morgun, fer á mótmælafund, listsýningu, út að borða og svo bara djammerý :-) Hlakka ekkert smá til að bregða mér úr þessum hjúkku- og mæðrarbúningi og yfir í eitthvað léttara :-)

Mótmælum frestað - í bili :-/

2009-01-22T11:07:00.003Z

Ég fór í Sorpu í gær og fékk efni til mótmælaskiltagerðar, föndraði mér skilti og eftir skóla í gær var haldið niður í bæ að mótmæla - hringir þá ekki einkabarnapían, alveg karfavitlaus, því yngsta var orðið veikt af tanntöku (aftur), horað út um allt (aftur) og vældi út í eitt (aftur). Þessi vika er búin að einkennast af miklum veikindum hjá fjölskyldunni og ætlar ekkert lát að verða á því - Alli kom heim úr skólanum áðan og daman er barasta með hita. Því fór ég ekkert að mótmæla í gær og er eiginlega hálf fegin- hefði vel getað sogast í gangstéttarkast og læti því maður hrífst auðveldlega með stemmaranum - hjarðhegðunin ógurlega.

Skólinn búinn þessa vikuna og fullt fullt að læra - og kannski svolítið að læra að læra. Sé fram á að fara í margar ferðir niður í bæ, Elliðaárdalinn, Reykjanesið - allt í krafti lærdóms og fræðslu... gaman að því :-) Lízt ógó vel á þetta allt saman og hlakka til að fara í ferðalög næstu helgar til að sjá og fræðast ennþá meira :-)

Mynd frá Krýsuvík

Þögn!

2009-01-21T12:20:00.003Z

Nú voru að berast þær fréttir að þingfundi hafi verið aflýst í dag - engin ástæða gefin fyrir því en manni grunar að þingmenn þori ekki að horfa framan í kaldan almúgann. Það er stundum hentugt að fela sig á bak við valdið og valdið er mikið hjá þeim...

Vona að þetta verðu kornið sem fylli einhverja mæla hjá einhverjum - vona að fólk fjölmenni samt sem áður niðru í bæ þótt þingmenn séu ekki þar til að heyra í okkur - þeir hlustuðu hvort eð er ekki neitt!

Ég er skríll!

2009-01-21T11:56:00.002Z

Þegar lætin byrjuðu í gær þá huxaði ég með mér - æji, fokkit, nenni ekki að mæta fyrir fimm mínútur. Svo varð ég þægilega hissa þegar ég sá að ég gat horft á beina útsendingu frá atburðunum á meðan ég þurrkaði af og sinnti almennum heimilisstörfum. Var hissa þegar ég fór í skólann og sá að þetta var ennþá í gangi, varð ennþá meira hissa þegar ég kom heim og lætin vor ekkert að minnka - magnast ef eitthvað var. Um klukkan hálfellefu leit ég á þetta sem skilaboð að ofan þess efnis að fyrst þetta væri ennþá í gangi, væri verið að gera sem flestum kleift að mæta - svo ég gallaði mig upp, dró upp pott, lok, vettlinga og trefil og strunsaði af stað. Kom við á Hressó til að hitta vinina og færði þeim fréttir af stuðningseldinum á Akureyri og mentum göngum úr alþingishúsinu... svo var arkað af stað, barið, öskrað, hrópað, dansað... mikið var þetta fín útrás sem ég fékk þarna - stemmningin var svakaleg og allir í einum takti - eða fleirum, það skipti ekki máli, það voru allir að góla og í sömu ,,hjarðhegðun" eins og einn útrásardrengurinn kallar það.

Mig langar til að vita eitt - hvaða göng eru þetta á Kirkjustræti úr alþingishúsinu sem þingmenn flúðu um í gær? Og hver sat við stjórnvölinn hjá löggunni þegar hún hóf að berja mótmælendur og hrinda gömlum konum í runna? Ein sem er með mér í skólanum sagði okkur frá því að fyrrverandi sambýlingur hennar hefði verið puttabrotinn af sérsveitinni og ,,meisaður" án tilefnis - en hann var að gæjast yfir alþingisgarðinn og hélt sér bara í brúnina. Puttabrotinn af kilfu sérsveitamanns og meisaður, takk fyrir - hann var náttlega pottþétt rosalega hættulegur :-/ Það er alveg ljóst að við erum bara rétt að byrja að læra að mótmæla, við þjóðin, og þar af leiðandi er löggan og sérsveitin bara rétt að læra að höndla mótmælendur... en fyrr má ná rota en dauðrota! Í gegnum öll mótmælin (og þ.m.t. mótmæli vörubílstjóra f.h. (fyrir hrunið)) hefur lögreglan og sérsveitin alltaf verið gagnrýnd fyrir harðræði... hvað þýðir það eiginlega...? Er þá ekki eitthvað til í því? Þegar æ ofan í æ kemur sama tuggan fram?

Svo er það náttlega stóra spurningin: hvenær ætla þessir háttvirtu menn sem eru í ríkisstjórninni að taka eyrnatappan úr sér og skilja að við viljum ekki hafa þá við stjórn á slökkvibílnum? Við vitum að það er bara ennþá verið að dreifa ryki yfir skítinn sem er sópað undir teppið svo ekki komist upp um alla þessa óráðsíu og vinagreiða sem var við lýði f.h. (fyrir hrun)... við vitum þetta allt... það er bara ekkert verið að hlusta :-/

Ég ætla að gefa skít í skítinn heima hjá mér, þvottinn og rykið - það fer ekki neitt... ég ætla að skella mér niður í bæ að reyna að láta þessa stjórn heyra í mér - ekki fyrir mig ... heldur fyrir börnin mín - nútíðin er mín en framtíðin er þeirra...

Hvar verður þú?

Stór dagur - stríð og friður!

2009-01-20T13:58:00.003Z

Mikið um að vera í dag, missti af mótmælum en var með þeim öllum í anda en öll fjölskyldan (nema ég) er löggst í veikindi. Tveir æla og eru flökurt, beinkerkir og sú minnsta er með hita og kvef - annan daginn í röð. Á meðan liðið liggur í lyfja- og óráðsmóki ligg ég límd við lappann að fylgjast með atburðarrásinni í gegnum mbl.is. Rúv beint ætti náttlega að vera séð og ná upp áhorfi með því að senda út beint - því ég held að hálf þjóðin svei mér þá liggi í veikindum :-/ Vonandi er Byltingin komin - hún barasta verður að fara að koma... Annars er líka mikið um að vera í henni stóru Ameríku - fyrsti blökkumaðurinn að taka við stýrinu þar klukkan 16 að okkar tíma og er ég að spá í hvað klukkan verði þegar honum verði sýnt banatilræði... giska á svona... fimm...? Sex í síðasta lagi... Ekki það að ég þrái manninn skotinn, alls alls ekki... held mikið upp á þennan öðlingspilt sem kemur vonandi með ferskan andadrátt í rotin stjórnmál þar westra - held bara að rednekkarnir í Texas og olíufjölskyldurnar líði bara ekki svona rugl...

Vonandi hef ég rangt fyrir mér :-)

Fyrsti skóladagurinn búinn :-)

2009-01-19T22:30:00.002Z

Jæja, þá er fyrsta skóladeginum lokið - Drottningin skráði sig í smá nám en ég er að nema Svæðisleiðsögn um Reykjavík, í kvöldskóla nokkur kvöld í viku. Fyrsta kvöldið var í kvöld og er ég bara sátt - held að ég og nokkrar þarna húrrum niður meðalaldurinn þarna inni, en þarna eru m.a. menntaðir arkitektar og allskonar menntafólk... Kreppan greinilega að banka upp á á flestum hurðum. Hvað um það - gaman í skólanum og fyndið að vera aftur sest á skólabekk :)

Daman er lögst í pest, en þar sem þetta er bara önnur pestin á hennar ævi og er bara hiti og hor þá ætla ég ekki að kvarta - janúar var huxaður sem veikindamánuður fyrir hana, því ekki hefur ónæmiskerfið haft mikið að gera áður en hún fór til dagmömmunar. Ekki nóg með að daman liggi í móki - Húsbóndinn á heimilinu liggur henni við hlið og kvartan sáran um flökurleika og almenna vanlíðan :-( Alli er nýskriðinn upp úr 4ra daga veiki og er kannski að leggjast aftur... meira ástandið á þessu liði...

Annars er lítið að frétta :-)

Haldiði að það c gaman að búa með þessu liði?

2009-01-16T23:25:00.001Z

Afmælisæði er þetta...

2009-01-16T21:36:00.003Z

Langbestasta vinkona mín í öllum heiminum og þó lengra væri leitað er heilla þrjátíu og fimm ára í dag. Í tilefni daxins þá fór hún að vinna í 12 tíma og gerir eitthvað svipað á morgun... og hinn. Ég stalst þó til hennar til að knúsa og ætla að finna eitthvað ógó sætt handa henni á morgun, með annari vinkonu hennar - dóttur minni :-) Dóttirin ákvað þó að gefa henni eitthvað alveg unique og það sem bara hún getur gefið - en hún fékk tönn númer fimm í dag, tönnin við hliðina á framtönnum í efri góm. Veit bara ekki hvað hún heitir ... heita ekki tennurnar eitthvað?

Eníhú... elsku Heyja okkar - innilega velkomin í thörtýfævklúbbinn, þú ert ÆÐI!

Tvær glaðar vinkonur saman eftir góða fjallgöngu í sumar - tekið á Kirkjubæjarklaustri ágúst 2008

Nennti ekki að pæla í kreppunni í dag...

2009-01-15T10:43:00.002Z

... frekar en aðra daga svo ég uppfærði smá myndasafnið okkur og setti inn gamlar myndir sem ég hef verið að skanna inn... gaman að sjá hvernig tíðarandinn skín í gegn og tískan fer í svo marga hringi að maður verður bara ringlaður í Rimini...

Og n og aftur af Alla mínum...

2009-01-12T20:52:00.002Z

Stór dagur í dag því...

damm
damm
damm

Hipp hipp

BARBABRELLA!

Hvað er skrýtið við strákinn...?

Jú - engar spangir! Júhú!! Plan kvöldsins: notalegheit og myndagláp með þeirri gömlu og úðað í sig súkkulaðirúsínum, sem hann hefur ekki getað borðað í eitt og hálft ár :-)

Næstu Idol stjörnur?

2009-01-10T20:09:00.002Z

Gleymdi svo að monta mig af Alla mínum og Snorra frænda hans - en þeir rifu sig upp ELD-snemma í morgun til að spila og tralla niðri á Hilton. Náðu mas í kvöldfréttirnar á St.2 - gaman að því :-)

Velkomin heim, elsku Svanda okkar!

2009-01-10T19:29:00.003Z

Við brugðum okkur í heimsókn til Svöndu áðan með afkvæmi, bestu vinkonu og einu afkvæmi hennar (Heiðu og Degi) - fengum kaffi og svona .. svakalega gott að sjá stelpuna :)

Persónulega finnst mér það vera Brilljantín í hárið að stelpan c í sama póstnúmeri og ég - júhú!

Já, var það ekki...?

2009-01-09T16:52:00.003Z

Vissi að svefnin hjá þessu blessaða barni kæmist í lag við það að komast aðeins frá mér - GN er búin að sofa í um þrjá tíma á dag úti í vagni hjá Hafdísi þessa viku! Ég er búin að vera að gera snemmbúna vorhreingerningu á meðan daman er í aðlöguninni - þríf og þvæ eins og vindurinn ... og sakna hennar alveg ógurlega á meðan :-/

Það er svona með okkur kerlingarnar, aldrei ánægðar - kvarta yfir því að fá ekki frið til að þrífa fyrir blessuðu barninu þegar hún er hjá mér og þegar hún er farin þá sakna ég hennar of mikið til að þrífa... það er vandratað í henni veröld...

Gasalegt ógeð þetta á Gaza!

2009-01-06T19:55:00.003Z

Mynd frá www.ccun.org

Þegar ég var að svæfa dömuna áðan þá leið mér dulítið (legg áheyrslu á dulítið) eins og móður á Gaza. GN glennti upp augun og sperrtist upp ef flugeldur sprakk nálægt húsinu okkar - það eru örugglega ótal börnin á Gaza þessi kvöldin sem geta ekki sofnað út af sprengjuhljóðum, en í þeirra tilfelli er hættan raunveruleg og næsta sprengja gæti splúndrað húsinu þeirra, tjaldinu eða hausnum. Næsta klasasprengja gæti brennt húðina af þeim, skilið kjötið eftir sviðið inn að beini... ástandið þarna úti er svo viðbjóðslegt að ég hef forðast það að huxa um það - get það bara ekki og er eiginlega með samviskubit yfir því að búa hér á Íslandi, tuðandi um stýrivexti, pakksödd eftir jólin...

Þetta er ekkert annað en slátrun á þjóð, hún er leidd undir sveðjuna og þjóðir heimsins gera ekki skít! Allt af því að BNA er á móti því að skipta sér af - Hamas er náttlega svo rosalega hætturlegir... þeir gætu alveg verið með díselknúna túttubyssu m.v. skortinn sem er á þessu svæði. Þarna er hernaðarlegt stórveldi að níðast á sér minni máttar, margtekin í bakaríið eftir að brunaútsölunni lýkur, ósmurt! Ætla ekki að sýna ykkur myndirnar sem ég fann á Google þegar ég googlaði Gaza undir myndir... ástandið er bara hreinn viðbjóðir, niðursoðinn að hætti bandaríkjamanna og verður það þangað til nýr forseti tekur við þar... það er alveg augljóst að það er verið að nýta síðustu mínúturnar áður en friðelskandi negri tekur við þar...

Grrrr...

2009 verður ár tækifæranna!

2009-01-06T17:09:00.002Z

Eða ég er bara búin að ákveða það, takk fyrir takk. GN er byrjuð í aðlögun hjá dagmömmu, enda komin tími til að barnið hitti önnur börn á regulear basis og læri að leika sér - hún verður hjá Hafdísi hans Bjössa en hún er einmitt dagmamma :-) Ég er ekki komin með neina vinnu og kannski svolítið glæfralegt að koma barninu frá sér í pössun þegar maður getur alveg eins verið heima að leika við hana - en ég trúi ekki öðru en að ég geti búið til eitthvað skemmtilegt tækifæri og jafnvel fengið aur fyrir. Auk þess er fínt að hún taki út pestartímabilið áður en ég verð búin að festa mig einhversstaðar, svo ég verði nú ekki rekin strax því barnið er alltaf veikt. Annars er ég að spá í að fara líka í skóla - bara nokkur kvöld í viku og smá um helgar, svo ég ætla ekki að sitja auðum höndum - nenni því bara ekki lengur :-) Alli kom heim úr fyrsta skóladeginum í dag, hann var að hitta hraðferðarbekkinn sinn og líst svona líka ljómandi vel á hann - hann verður m.a. að læra heimasíðugerð í vetur :-)

Annars er lítið að frétta - nú tekur bara við kjötbollur á miðvikudögum og svo er að endurvekja Naflaló, er það ekki??? Stelpur? Svanda? Komin í bæinn???

Og tvær tennur til!

2009-01-03T17:12:00.004Z

Daman ákvað að gefa bróður sínum heilar tvær framtennur í afmælisgjöf á gamlárs - ekki nema von að barnið hafi verið órólegt og vaknað ansi oft ... þessar tennur eru nú ekkert lítið breiðar og þegar maður er orðin svona gamall þá er gómurinn orðin víst svolítið harður... svo þetta er komið. Einnig er að koma niður tönn við hliðina á framtönnunum svo þetta er allt að ryðjast...!

Annars vorum við að koma úr Sirkús! Stórasti Sirkus Íslands var með sýningu áðan í Hafnarfjarðarleikhúsinu og var ekkert smá gaman! Það var svooo gaman að GN hló og klappaði allan tímann og geri aðrir betur. Það tekur nú smá á að halda athygli einnar 11 mánaða ... og ekki síst foreldrana og ömmunar! Við skemmtum okkur öll konunglega og er frábært að heyra að það er uppselt á allar sýningarnar hjá þeim! Alda og Lee vinir okkar standa að þessu ásamt góðum félögum og gerðu þau þetta bara... af því bara:-*) Þau eru búin að vera með Sirkusskóla í allan vetur og gengið svo vel - Elsku Alda og Lee - innilega til hamingju með sýninguna!

Til hamingju með afmælið elsku Alli minn!

2008-12-31T19:07:00.003Z

Elskulegi Alli minn á afmæli í dag, en hann er orðinn heilla 15 ára. Hann er endalaus uppspretta gleði og ánægju í mínum huga, hann er ótrúlega duglegur, ákveðinn (lesist: þrjóskur), samviskusamur og ég gæti hreinlega verið allt kvöld að telja upp mannkosti hans og yndislegheit. Hann er steingeit fram í fingurgóma - hann heldur aftur af mér þegar ég vil gera símaat eða djóka í ókunnugum, hann sér alltaf skynsömu hliðina á flestum hlutum og fæst sem hann getur ekki gert. Hann var ekki ánægður með einkunirnar sínar s.l vor svo hann ákvað sjálfur að taka sig á - hann uppskar þann árangur núna um jólin að ég fékk hringingu frá skólanum þar sem honum er boðið í hraðferð núna á vorönn því hann fékk svo góðar einkunnir! Hann er yndið mitt, sól og frumburður sem ég elska út af öllu þessu lífi... elsku Ali minn - til hamingju með afmælið!

P.s. Gleðilegt nýtt ár allir saman og takk fyrir það liðna - ég er barasta of upptekin á sál og líkama til að vera með einhverjar yfirlýsingar og sniðugan annál hér á netinu - er of upptekin við að knúsa familýjuna mína, borða góðan mat og drekka góð vín. Sjáumst á nýju ári ;-)

Gleðileg jól!

2008-12-26T15:26:00.002Z

Við fjölskyldan óskum ykkur öllum Gleðilegra jóla, árs og friðar með þökkum fyrir samskiptin á árinu sem er að líða :-)

N á lífi!

2008-12-11T22:04:00.002Z

Það er víst löngu kominn tími á smá orðsendingu hingað inn og meira að segja meira til. Lítið að frétta samt - er ennþá ekki komin með neina vinnu og núna er maður ekki kallaður til í nein viðtöl eða neitt, þeir hjá Atvinnumiðluninni hafa ekki einu sinni tíma til að boða mann á fund og ráðgjöf. Maður á að fara einu sinni í mánuði og hitta þau, sýna hvaða vinnur maður er búinn að vera að sækja um og svoleiðis - en ég hef bara einu sinni farið og það var i september - þegar ég inni eftir mínum ráðgjafatíma þá er sagt að þau hafa barasta engan tíma. Svo það er ekkert annað að gera í stöðunni en að bíða bara og sjá hvað gerist handan við hornið. Fór þó í áhugasviðspróf hjá þeim um daginn og komst að því að ég er mun meiri karlmaður en ég hef gefið mig út fyrir að vera, og meira að segja ráðríkur og bossý karlmaður! Ekki góð blanda, fastur inni í hálf miðaldra kerlingu sem hefur ekkert annað að gera en að leika við gullfallega og kornunga stúlku allan daginn :-/ Hummm...

Annars eru jólin víst að koma, einhverjar jólagjafir komnar í hús, einhverjar koma ekki fyrr en korter í jól, smákökur bakaðar og borðaðar, konfektið varla tilbúið því það er líka borðað jafnóðum... á morgun er það jólamyndatakan og svo jólahlaðborð í Perlunni um kvöldið - hlakka ekkert lítið til, enda er ógó langt síðan við Einsi höfum átt kvöldstund saman... það var í júní og þá var ég föst á eyju meðan barnið grét sig í svefn. Á ekki von á neinum vandkvæðum að þessu sinni, enda er barnið orðið eldra og verulega leitt á móður sinni... auk þess sem barnapían er í svo sérstöku uppáhaldi að ég hef sjaldan séð barnið brosa jafn mikið og þegar Heyja okkar er með í för... neinei, ég lýg - hún hlær og skellir upp úr af gleði þegar hún er með Heyju sinni :-)

Já, Hummus...

2008-12-03T12:51:00.002Z

Gott, ódýrt og hollt... mmmm.... mér finnst best að gera það eins og Valgerður gerði í eldhúsinu hjá Eddunni í gamla daga, skera niður grænmeti (gulrætur, blómkál, sellerý osfr.) og hafa ofnbakað Naanbrauð með... Þetta er í raun ofur einfallt: skellir í mixara kjúklingabaunum úr dós eða krukku, slatti af olífuolíu, eitthvað hvítt og mjúkt úr ísskápnum (t.d.sýrður rjómi eða ab-mjólk, jafnvel mæjó), hvítlaukur, salt og pipar, sítrónusafi og svo eitthvað til að gefa fyllingu.. ég nota valhnetukjarna ... sumir nota niðursoðnar paprikur, aðrir steinselju.... bara brúka það sem manni finnst gott... allt maukað og borðað með bestustu bestu lyst. Tilvalið að henda í jólakrukkur með borða og færa nákomnum í jólagjöf :-)

Þeir sem vilja fá meira fyrir augað er bent á þetta myndskeið - enjoy!

Tókst að lauma mér út...

2008-11-30T23:34:00.003Z

.. úr herberginu hjá dótturinni áður en hún sofnaði, enda var hún óvenju þreytt eftir veisluhöld dagsins. Þar af leiðandi uppskar ég eins og við sáðum - hún bara svaf út í eitt! Í dag fórum við í laufabrauðsskurðboð hjá móðurfjölskyldunni og þar hafði hún sko mikið að skoða! Annars erum við búin að hafa það ferlega næs um helgina, bara dútl í flöskum sem hafa verið tæmdar (uppskeruhátíð með æskuvinunum), leti og smá jólast... svo er ég komin með geðveikt æði fyrir hummus... og búin að baka piparkökurnar... og baka rúgbrauð...

Humm... ætli ég c ólétt?

Þetta er b a r a fyndið

2008-11-26T14:43:00.000Z

Kraftaverkin gerast, í alvöru!!!

2008-11-22T22:09:00.002Z

Já, haldiði ekki bara að barnið hafi ekki teygt sig í rúmið þegar ég gerði mig líklega til að leggja hana í það áðan, lagðist með hausinn á koddann, hélt í Lölu sína (sem Amma Gulla gaf henni fyrr um daginn), lagði aftur augun og þegar ég kveikti á spiladósinni var hún farin... í draumaheiminn! Ég var búin að búa mig undir að það væri einhverjar framfariri í þessum málum - en þetta er bara rosalegt! Ég lagðist í gestarúmið og fannst í alvöru að þetta væri ekki barnið mitt, að þetta gæti ekki gengið svona auðveldlega... en það er víst satt - er búin að fara inn til hennar og athuga... hún er ennþá sama GN og hún hefur alltaf verið (í þessa rúmu 9 mánuði) og er sofandi - ekki búin að kafna í frekju eða hræðslu...

Og það er laugardagskvöld... á mar ekki að halda upp á þetta með einhverjum hætti?

Í dag bökuðum við GN súkkulaði ostaköku...

2008-11-21T15:56:00.003Z

Og ég komst að því að ég á lítinn Þvörusleiki :-)

Allt að gerast... eða þannig...

2008-11-20T23:17:00.004Z

Já, nú er dagur hvað... fjögur í hinni nýju svefnaðlögun og það sást aðeins til sólar hjá mér áðan. Daman hætti að gráta og þegar ég lagði hana niður (í fimmtánda sinn) þá ákvað hún að það væri bara fínt að fara að sofa... svo ég vona að þetta c allt að koma. Málið er að hún er svo tryyylt af hræðslu þegar hún er ein í herberginu að okkur var ráðlagt að liggja bara í gestarúminu og aftengja ,,þjónustufulltrúan" í okkur, láta hana bara reglulega niður og taka hana alls ekki upp úr rúminu. Svo ég hef legið... og huxað.. og legið ... og verið með verk í eyrunum eftir öskrin... því þau eru svo snjöll að þau gera allt til að komast úr rúminu. GN er farin að kúka þegar þetta er að ganga yfir - og þá náttlega fær hún sitt fram, maður tekur hana upp og skiptir á henni... en ofan í rúm fer hún aftur og þá er bara argað og gargað.... þangað til snuðið dettur í gólfið. Þá stend ég upp eftir smá stund, sting því upp í hana, legg niður og strýk aðeins um bakið. Upp ríkur hún, öskrar og gargar ... og sofnar yfirleitt með ekka.

Ég veit að þetta ástand getur ekki gengið lengi, því ekki nenni ég að verða heyrnarlaus á þessum görgum öllum saman.

Annars er lítið að frétta - tengdó er að koma um helgina og ég er búin að taka læri úr frystinum og setja það í leg.. lög... ;-) Einsi er að fara að spila póker á fyrsta móti Pókersambands Íslands og ég vona bara að hann verði ekki handtekinn - ef það verður þá sé ég mig tilneydda til að brjóta hann út úr löggustöðinni - væri það ekki smart?

Atvinnulaus húsmóðir með heyrnarskerðingu og fordóma gagnvart feitum ökumönnum á jeppum (35) handtekin eftir að hafa reynt að brjótast inn á lögreglustöðina við Hlemm á skurðgröfu! Smart...

Maður spyr sig...

2008-11-19T12:21:00.001Z

Ef Húsasmiðjan getur boðið upp á sama verð á seríum og í fyrra, eru þeir þá með ársgamlar seríur til sölu (sem þarf ekkert að vera svo vont) eða var álagningin í fyrra svo gígantísk að þeir eru ennþá að koma út í gróða þrátt fyrir fall krónunar og allt það?

Svefn, kefn...

2008-11-17T22:01:00.002Z

Fórum í langþráð viðtal upp á spítala - töluðum við svefnráðgjafa og hafði hún ýmislegt til málanna að leggja. Reyndar svo mikið, mælt svo þýtt og stemmarinn inni hjá henni var svo hlýlegur og notalegur að við GullaNóa urðum að leggja okkur strax eftir fundinn... Hvað um það, nú verður breytt um stefnu í svefnmálum og fær Einsi algerlega að sjá um þá hlið málsins - ég fæ að díla við dagblundinn og fæ að hafa svipaðan háttinn á og hann. Þetta verður barátta en vonandi bara í nokkra daga :-)

Glöðust verð ég ef ég skyldi fá 1-2ja tíma ,,frí" á daginn - þá getur maður kannski sest á dolluna í rólegheitum og lesið Lifandi Vísindi án þess að nokkur sé að berja grenjandi á hurðina...?

Já, svo bakaði ég böku handa okkur í kvöld - í tilefni af því að Alli minn er að fara til tannsa í fyrramálið og er að missa amk 50% af spöngunum! Júhú!

Vér mótmælum öll!

2008-11-16T12:40:00.002Z

Vorum með þennan fína sítrónukjúlla á föstudeginum og kínversku konu hans Atla fannst hann bara góður og allir voru saddir - gleymdi samt að bjóða henni að fá sér prjóna til að borða með, lagði hnífapör á borð eins og ekkert væri :-/ Engin hafði pláss fyrir neinn eftirrétt svo hann var ekkert gerður og allir stuffed og hamingjusamir - spjallað fram að miðnætti og farið tiltölulega snemma í háttinn ...

Svo fórum við á mótmælin í gær á Austurvelli, þ.e.a.s. fórum á Thorvaldsen og horfðum út um gluggan á mótmælin :) Er maður orðin gamall or vott? Við höfðum ákveðið hitting með vinum okkar og það var bara frekar notalegt að þurfa ekki að vera með smábörnin úti í kaðakinu og kuldanum - þótt ekki hafi þjónustan á Thorvaldsen verið upp á marga fiska. Við enduðum á að fá 20% afslátt af öllu, enda eyddum við 80% af tíma okkar í að bíða eftir einhverjum rétti sem fór óvart á annað borð, eða fengum óvænta rétti sem áttu að fara á önnur borð, fengum kalda rétti, korkað kaffi latté og svo mætti lengi telja. Hvað um það... mótmælin fóru friðsamlega fram en þegar formlegum mótmælum lauk þá skrapp ég út að Alþingishúsi til að kanna stemmarann þar. Fannst mér vera hiti í mönnum, einhver var með gjalllúður, svartir fánar blöktu, búið að henda klósettpappír á húsið og almenn reiði í mannskapnum. Af og til ruddust fram 5-7 ungir menn, með hendur hlaðnar matvörum og gríttu húsið - létu sig svo hverfa í framhaldinu... fóru aftar og hlóðu vasa sína að nýju. Ég sá hinum undarlegustu matvælum og hlutum hent í húsið, ekki bara eggjum, þarna voru íkveiktar klósettpappírsrúllur, melónur og sitthvað fleira ... greinilegt að þeir hafa valið dýrustu matvörurnar og lúxusvarninginn til að fleygja frá sér í mótmælaskyni... engin kreppa greinilega þar á bæ?

Persónulega langaði mig til að vera með skilti í mótmælunum sem á stóð: ,,helvítis skítaveður!"

Svo brugðum við okkur á Jón Bónda í gærkvöldi - daman fór í fyrsta sinn í pössun að heiman! Þetta var CCP-sýning (glætan að ég fari að borga mig í bíó!) og átti að hefjast kl. 19:30. Við fórum með dömuna í pössun til móðurs Hjallastefnunnar og hafði hún tvo menntaða uppeldisfræðinga til að stjana við sig á meðan mamman og pabbinn glöptu gáttuð á Bond myrða hvern glæponinn á fætur öðrum. Ég ætlaði að telja hvað hann myndi drepa marga - týndi tölunni eftir fimm dráp .. held að það hafi verið liðnar svona þrjár mínútur af myndinni... annars fín mynd, svolítið hröð og ekki ganga alveg upp þessi aðal hasaratriði - eins og með bátinn og flugvélina... skil ekki alveg ennþá hvernig þau redduðu sér úr því... en ég er kannski bara farin að sjá svona hægt með hækkandi aldri? Svo var brunað með hjartað í buxunum út á Álftanes að ná í Gulluna - var hún hin hressasta og það eina sem hún hafði gert af sér var að bræða hjartað í Lilju og Möggu Pálu :-) Gott að geta brugðið sér af bæ svona aðeins og látið eins og maður sé að deita aftur - bráðnauðsynlegt af og til :-)

Svo er það sund í dag og skírn eftir það - úfff - búin að vera fullbókuð helgi og bara brjálað að gera! Fínt að hafa sitthvað fyrir stafni því nú sé ég fram á rólega viku og litla sem enga vinnu að fá - er að spá í að hella mér út í ferðamannabissnessinn... er það ekki það eina sem er að vaxa um þessar mundir?

OG því það er föstudagur:

2008-11-14T11:15:00.001Z

Að skjóta sig í löppina...

2008-11-14T10:40:00.002Z

Núna er ég algerlega að gera út af við sjálfa mig - verst að maður getur ekki sagt sjálfum sér upp... eða sagt sig frá sjálfum sér. Við ætlum að hafa smá matarboð í kvöld því Atli vinur okkar í Shanghai er á landinu með konu og barni. Málið er að hún er kínversk og ég er búin að lofa að gera sítrónukjúlla... og það eru grjón með honum... hvernig eldar maður eiginlega hrísgrjón fyrir Kínverja? Ég held að ég finni einhvern fordrykk til að koma ofan í konuna svo hún taki minna eftir því hvað grjónin eru eitthvað.... íslensk :-) Annars var ég að spá í að bjóða þeim svo upp á skyrtertu í desert - eða eitthvað svona íslenskt í desert... man bara eftir skyrtertunni... er eitthvað annað svona eftirréttalegt sem er líka íslenskt? Any ideas?

Þá er því lokið...

2008-11-13T17:13:00.003Z

Já, lokaprófið á námskeiðinu mínu var í dag. Áttum að henda saman einum vef um eitthvað sem er okkur hugleikið og af sjálfsögðu gerð húsfreyjan, atvinnulausa, kreppuvef.

Ógurlega glöð yfir því að nú er þessu námskeiði lokið og ekki er verra að fá svona ljómandi umsögn frá kennaranum, en hann var glaður með þetta allt hjá mér (eða þessar fimm síður :-))

Nú getur maður farið að huxa til jólanna, enda búin að vera með ,,have yourself a merry merry Christmas" á heilanum síðan ég kom heim.. :-)

Er að spá í að fá mér bara merry merry GullaNóa í staðin og athuga hvort hún dugi ekki í þessa 43 daga sem eru til jóla :-)

Nýtt met!

2008-11-10T18:28:00.002Z

Ég lagði mig með GulluNóu í dag, en dagsvefninn hennar hefur verið í algeru fokki. Nærsvefninn hefur verið slæmur, viðráðanlegur þó... en dagsvefninn bara enginn... korter- tuttugumínútur í svefn yfir allan daginn er ekkert grín fyrir 9 mánaða barn. Hvað þá þegar hún var 3ja mánaða. Núna ákvað semsé kjérlingin að færa fórnir... lagði sig með henni og náði til að láta barnið sofa í þrjá tíma! Ég var af sjálfsögðu neydd til að vera upp í rúmi líka og svaf sjálf mest allan tímann og held ég bara að við mæðgur höfum haft gott af því :-)

Ætla að gera þetta út þessa viku og sjá hvort hún fatti ekki hvað það er gott að sofa vel og lengi :-)

Annars heyrði ég í Röggu minni áðan, rosaleg hamingja hjá henni og get ég ekki lýst því hvað það er góð tilfinning að vita það :-)

Til allra pabba

2008-11-09T13:52:00.003Z

Er tárin tindra svo skært
mig blíðlega hann huggar,
einhver hefur hjarta mitt sært
í örmum sínum, hann mér ruggar

Hann yfir mér heldur verndar hendi
sem dregur úr mínu falli,
hann ávalt við hlið mér lendir
um leið og heyrist í mínu kalli

Hann alltaf situr mér hjá
hann er stytta mín og stoð
sem ég legg traust mitt á
einskonar átrúnargoð.

Hann brosir svo blítt
breiðir út faðminn sinn,
í fangi hans er svo hlýtt
hann er elsku pabbi minn.

Tekið af ljod.is

höf. Kristrún Huld Hafberg
1978-

ok....

2008-11-07T13:40:00.002Z

Við erum víst að fá lán frá IMF, sem er reyndar með dularfyllri málum í íslenskri stjórnmálasögu. Lánið kemur ekki - fullt af þjóðum segjast ætla að lána okkur ef við fáum lán frá IMF.. IMF ætlar að lána okkur ef allir aðrir gera það.. pólverjar segjast ætla að lána okkur en ekki vill Geir kannast við það.

Ég legg til að ráðamenn þjóðarinnar fari bara að eiga samskipti sín á milli, taki upp símann og svari í hann þegar hann hringir... og síðast en ekki síst...talið við OKKUR! Vott þe fokk is góing on? Nógu erfitt er að hlusta á seðlabanka(ó)stjóra tala verðið á íbúðinni minni niður um 45%, horfa á verðtryggða lánið mitt éta upp þessa þúsundkalla sem ég var búin að eignast í henni og lifa við að lánið verði líklegast mikið mun meira en eigin sjálf, atvinnuleysi tíuprósent og ég finn enga vinnu til að sækja um... útlitið er heldur dökkt þessa dagana og einhvernveginn dapurlegt að hlusta á hvern fréttatímann á fætur öðrum sem byrjar á slæmum fréttum eða einhverjum misskilningi og óstjórn...

Er ekki kvennalandsliðið í fótbolta að fara að keppa bráðlega? Bara svona svo maður hafi einhverja von fyrir íslenska sálu...

Níu mánaða!

2008-11-07T09:45:00.003Z

Daman varð níu mánaða í gær og Sævar Óli frændi eins árs... hvað tíminn flýgur þegar maður borðar flugur, jahérnahér :-) Annars er aðeins að rofa til í svefnmálum - daman er búin að snarminnka vaknanirnar sínar en getur vel tekið erfiða 2ja tíma vökur inn á milli... bara svona rétt til að minna aðeins á sig :-)

Annars er stór stór helgi framundan, FanFest hjá Einsa (Nördalert til ykkar hinna!), brunch með frænkunum og niðjum á morgun, báðir bræðurnir í bænum og öll fjölskyldan komin með kort í Veggsporti... nú skal sko mörinn leka af okkur og skvassið stundað af kappi!

Að lokum er svo hér einn góður - góða helgi!

Hver þarf svosem að sofa??? Ekki ég... :-/

2008-11-05T20:15:00.003Z

Daman heldur áfram að vera jafn yndisleg og henni er tamt en svefninn er alveg að fara í ruglið bara :-( Við tókum hana af þessum lyfjum eftir viku enda gerðu þau lítið gagn og voru alls ekki áhættunar virði ... hún svaf lítið betur, eitthvað þó - og vaknaði ekki ,,nema" svona 5 sinnum fyrir miðnætti að meðaltali sem er aðeins minna en vanalega. Svo við bara nenntum þessu ekki - bæði var líka orðið slagsmál að koma þessari drullu ofan í hana og svo var það þessi áhætta með öndunarstoppið. Mér er lítið sama þótt þetta hafi verið reynt í mörg ár og ekkert slys gerst enn - en ef það er tekið fram að það sé einhver áhætta þá hefur greinilega eitthvað gerst - og ekki vil ég að það gerist hjá mínu barni. Áslaug og Helgi komu yfir í gær í kostningavöku og fékk ég lit yfir gráu hárin í leiðinni. Daman ákvað að sýna sínar bestustu gestahliðar, eða þannig.... hún sofnaði kl. 23 eftir að ég og Einsi höfðum verið til skiptis uppi hjá henni að reyna að svæfa hana - ég gafst upp á endanum og tók hana niður... rosaleg sem hún fílaði sig vel í Slaugufangi og fékk alla þá athygli sem hana vantaði. Svo hér sit ég... ógurlega þreytt og ósofin - hef ekki fengið mér heilan næturblund síðan ég veit ekki hvenær, því ég var löngu hætt að sofa áður en daman kom í heiminn vegna fótaóeyrðar og almennra flóðhestasyndróma :-/ Við eigum pantaðan tíma hjá svefnráðgjafa þann 17. þessa mánaðar og verður fínt að fá einhvern pro til að kíkja á málin.

Ég klára námskeiðið á föstudaginn og hlakka ég svolítið til að fá quality time aftur í mitt líf - því það er ekkert auðvelt að klípa daginn svona í sundur, bæði Einsi að redda málum með því að koma heim og vinna svo langt fram á kvöld. Svo er Alli minn búinn að vera svo óguelga veikur síðan á sunnudag - í kvöld var hann með yfir 40 stiga hita og leið svo ömurlega að það hálfa væri hellingur... Greyið... Þannig að það er ástand á okkur... :-/

Sofa? Hver þarf að sofa fyrr en hann er kominn á Grund?

Til hamingju elsku Ranka mín!

2008-11-03T17:01:00.002Z

Var að fá þær fréttir að elskuleg Ragga mín var að eignast stúlku núna áðan - hún var sett af stað í gærkvöldi og kom daman núna... ég fékk þessar upplýsingar af Fésbókinni og veit lítið meira... Jú - var að fá meiri upplýsingar.. tæplega 16 merkur - stutt og krúttleg!

Hlakka ógó mikið til að sjá myndir ... og Ragga mín, Hörður og Haraldur - ég samgleðst ykkur svo innilega, elsku krútt :-)

Í kvöld...

2008-11-02T21:00:00.002Z

.. .ætla ég að kveikja á kertum og senda mína bestu hugarstrauma til góðar vinkonu minnar... vonandi vöknum við öll við gleðifréttir í fyrramálið :-)

Jahérnahér...

2008-10-28T10:13:00.002Z

Komst að því í gær að yngsta öryggisútgáfan af mér er hið fullkomnasta barn - sem ég reyndar vissi vel - með einni undantekningu þó. Svefnstöðin hjá henni er í messi... og til að laga það lét læknirinn okkur fá Phenergan - sem er vægt ofnæmislyf og verkar sem svefnlyf á svona lítil kríli. Þetta eigum við að nota þangað til hún er komin með eðlilegan svefnrhytma ... sem verður vonandi sem fyrst. Læknirinn sagði mér reyndar að hann hefði dælt þessu í börnin sín og að þetta væri fullkomlega öruggt og á engan hátt ávanabindandi né hefði skaðleg áhrif á hana á neinn hátt. Svo við gáfum henni fyrsta skammtinn í gær ... og hún vaknaði bara um þrisvar fyrir miðnætti :-) Við þurfum bara að gefa þessu tíma og auka svo á skammtinn ef þetta dugar ekki - er samt hálfóróleg vegna þess að það stendur á leiðbeiningunum að það meigi alls alls ekki gefa börnum yngri en 2ja ára þetta lyf vegna hættu á öndunarstöðvun... svo maður er svolítið uggandi, enda stökk ég 15 sinnum upp í gær til að athuga hvort hún andaði ekki ennþá og væri nokkuð orðin köld... veit ekki hvort sé betra að maður geri... hlaupi upp því hún er vöknuð og þarf knús til að sofna aftur eða maður hlaupi upp til að athuga hvort barnið c ennþá á lífi...?

Erum við hryðjuverkamenn?

2008-10-27T14:24:00.002Z

Sendi þessa mynd á vefinn indefence.is hvet alla til að skirfa þar undir og ef fólk hefur tíma og nennu til að föndra eitthvað skemmtilegt og sætt endilega senda inn :-)

Annars er lífið ágætt - erum að vísu að fara með dömuna til læknis á eftir því hún er orðin svo hroðalega óróleg á kvöldin og næturnar. Hún vaknaði fimm sinnum fyrir klukkan ellefu í gærkvöldi og var endalaust að rumska og leið illa í nótt. Hún hefur látið svona í allt of margar nætur og er um að gera að láta kíkja í eyrun áður en maður stimplar þetta sem frekju í að koma í mömmu og pabbarúm... :-)

Jæja, best að fara að borða nýbakaða súkkulaðiköku ..... mmmm....

Úpps... orðin stór stelpa bara?

2008-10-23T10:12:00.003Z

Dóttirin er heldur betur að taka út allaskonar sneddý stöff núna. Eins og með mörg önnur börn, flest öll amk, þá kemur þroskinn í stökkum og allt í einu er vitlaust að gera við að skrá niður, taka myndir og myndskeið af því nýjasta! Í mörgun fann pabbsinn semsé tönn #2 og í gærkvöldi þegar hún átti að vera sofandi þá vaknaði daman og stóð á öskrunum þangað til foreldrarnir komu inn til hennar... þá kom í ljós að hún stóð ekki bara á öskrunum - heldur líka í rúminu sínu :-)

Daman í fyrsta sinn á snjóþotu í gær- henni fannst snjórinn æðislegur! (enda borðaði mamman yfir sig af honum meðan á meðgöngu stóð, var eitt af "æðunum" mínum :-/ )

Námskeið smámskeið...

2008-10-21T20:26:00.003Z

Í dag fór ég á námskeið í notkun Dreamweaver, en það er svona ógó sneddó forritó fyrir þá sem vilja sjá um heimasíður, uppfæra og setja upp slíkt dæmi. Námskeiðið gefur tvær einingar til stúdentsprófs, sem ég reyndar þarf ekki og er næstu þrjár vikur. Heiða mín Skúla ætlar að sjá um lilluna á meðan og ætlar stóri bró að stökkva inn í ef forföll gera vart við sig - ég fann það í dag að toppstykkið er búið að hafa það verulega fínt og kemur ágætlega undan vetri - amk vissi ég mikið mun meira en margur á þessu námskeiði.... (hver fer á svona námskeið þar sem krafist er grunnþekkingar á notkun tölva og veit ekki hvað drif er, eða finnur ekki my computer?)... hvað um það... það var fínt að kíkja út aðeins og fékk ég svona

þykka bók heim til að lesa og er heimaverkefnið fyrir fimmtudag að lesa þrjá kafla... á ensku... tölvumáli....

... svo ég held að mér c ekki lengur til klósettsetunnar boðið, best að skella sér í funheita sturtu, kveikja á kertum og hella rauðvíni í glas... html-kóði hér kemur nýjasti nördinn.... :-%

Merkilegt...

2008-10-20T15:03:00.002Z

... hvað allir vildu Lilju hveðið hafa - það sáu það allir greinilega í hendi sér að bólan væri að springa og tæki okkur öll með sér í fallinu... blehhh - nenni ekki að hafa skoðun eða þykjast vera forspá um eitt né neitt...

Hér kom aftur á móti tönn um helgina! Ég fann hana :-) Á að vísu eftir að gefa barninu tannfé og veit ekki alveg hvernig ég á að fara að því. Er atvinnulaus með hor og slef og á ekki bót fyrir boruna á mér - verð því bara að gefa dótturinni knús og ást forever... eða þangað til ég get borgað henni eitthvað smáræði :-)

Svo er ég að fara á námskeið á morgun og verð á því næstu daga - ætlunin er að nema Dreamweaver svo ég geti nú kannski eitthvað att kappi við alla þessa viðskiptafræðinga á atvinnumarkaðnum.... það verður örugglega undarlegt að koma toppstykkinu úr ,,pause" og yfir í ,,play" :-)

Ég sendi eftirfarandi bréf via Emil í dag:

2008-10-14T18:54:00.000Z

Sæll herra Ólafur Ragnar.
Ég vil byrja á því að þakka þér fyrir að styðja ætíð við bak okkar Íslendinga, þú ert forseti sem ert í góðum tengslum við þjóð þína, setur þig ekki á neinn stall yfir henni og fólk getur vel trúað og treyst því að þér er virkilega annt um velferð okkar og framtíð barna okkar. Nú eru erfiðir tímar framundan og hefur þú brugðist við með því að fara í vinnustaðaheimsóknir og get ég trúað að fólki finnist það afskaplega vel til fundið og gott að eiga forseta sem kíkir oft úr húsi sínu til að hitta fólkið sitt - ekki bara í blíðu heldur einnig í stríðu. Maðurinn minn varð þeirs heiðurs aðnjótandi að fá þig í vinnustaðaheimsókn í gær og veit ég að það gekk afskaplega vel. Ég styð heilshugar þetta framtak þitt en bið þig um að gleyma ekki einum hópi - það er hópurinn sem er nú þegar dottinn af vinnumarkaði - hópurinn sem hefur nú þegar fengið uppsagnarbréfið vegna samdráttar og er ekki í neinni vinnu. Ég hef ekki verið í vinnu síðan um áramót en þá hætti ég að vinna til að eignast barn og hef ekki komist á atvinnumarkaðinn aftur, en ég fékk mitt uppsagnarbréf í fæðingarorlofinu.

Því langar mig til að bjóða þér til mín í kaffisopa, enda er heimilið mitt minn vinnustaður ef svo má að oðri komast - ég tek þér fagnandi en get líka vel skilið ef það er mikið að gera, enda eru tímarnir þannig að þú þyrftir örugglega að ljósrita þig til að sinna öllu þínu eins vel og þú vildir :-)

Hvað um það, hér býðst þér kaffi á könnuni og spjall um efnahagsástandið - vildi bara að þú gleymdir ekki okkur sem erum þegar orðin atvinnulaus og höfum engan fastan vinnustað til að heimsækja :-)

Með mikilli vinsemd og enn meiri virðingu,
Sigríður Hafdís Benediktsdóttir
Álakvísl 104
110 Reykjavík

Hækkanir oll óver!

2008-10-14T11:59:00.002Z

Ég fór í Krónuna í gær, sem er reyndar ekki í frásögu færandi en ég tók eftir því að allar vörur hafa hækkað til mikilla muna... vitist engu skipta hvort varan er erlend eða innlend :-( Dæmi um það er ÆðiTvenna, Hraunbitar og æðibitar tveir kassar límdir saman, kostuðu í síðustu viku í kringum fjögurhundruðkallinn - núna tæplega sexhundruð! Bleyjur sem ég keypti í síðustu viku kostuðu þá sexhundruð og eitthvað... núna sérstakt tilboð 790 kr.! Klósettpappír, innlendur sem erlendur hækkaði um nokkur hundruð krónur og er auglýstur á sérstöku tilboðsverði :-/

Svo var tannlæknatími hjá Alla í morgun en hann fer í tannréttingar annan hvern mánuð og blæðir alltaf undan þegar ég fæ reikninginn. Við fáum að vísu eitthvað endurgreitt en maður þarf að leggja út fyrir þessu og þegar korter í stólnum kostar tuttuguþúsund þá er manni bara ekki stætt á öðru en að grípa til vaselínsins... ánægjulegt að í morgun þá var Alli helmingi lengur og var mikið spjallað ... og reikningurinn helmingi lægri en vanalega!

Vissi ekki að sá tími kæmi að mér blæddi fyrir að fara í Krónuna en hlakkaði til að fara til tannsa... :-/

Snorri tæklar þetta fínt... :-)

2008-10-14T11:57:00.000Z

Uppfærði...

2008-10-13T10:20:00.002Z

.... myndaalbúm fjölskyldunnar og er bara eitthvað að dunda mér fyrst dóttirin er vær og góð við að dunda sér á gólfinu.. henni finnst ógurlega gaman að rífa niður pappír og borða - jólin hjá henni er þegar maður splæsir á hana einni örk af eldhúspappír :-)

Dönsum bara inn í helgina, hvað annað er hægt að gera?

2008-10-11T10:01:00.001Z

Já, alveg rétt...

2008-10-10T22:49:00.001Z

.. það er víst Brjóstargjafavikan núna...

Vill einhver gefa mér þá almennileg brjóst? Svona stór og stinn...? Er orðin leið á þessum tepokum sem mér voru úthlutaðir!

Andlegt faðmlag...

2008-10-10T22:30:00.003Z

Fréttir undanfarna daga hafa rifið upp gömul sár sem maður hafði á sálinni - þegar 9/11 var að ganga yfir heimsbyggðina þá var maður með kvíðahnút í maganum í hvert sinn sem kveikt var á fréttum og langaði helst til að skíða undir sófaborð með barnið sitt og koma ekki þaðan út fyrr en allt var orðið stabílt aftur. Núna líður manni eins, nema hvað litla Ísland er í heimspressunni, þetta erum við öll sem erum að berjast fyrir framtíð okkar og framtíð barnanna okkar og tíminn stendur einhvernveginn í stað... hlutirnir verða bara verri og verri og ég óska þess heitt að ég gæti tekið öll börnin mín, skriðið undir sófaborð og farið bara í hýði... Ég setti sjálfa mig í fréttabann í síðustu viku en það hef ég aldrei gert áður, ég er fréttasjúk með afbrigðum og horfi á alla fréttatíma sem ég kemst yfir ... en núna vildi ég bara aðeins taka tjillarann á þetta og sjá bara hvar þetta endaði og ekki taka þátt í sjálfu fallinu. En það dugði skammt, fallið er enn að ríða yfir og nú er helgi og ég huxa aftur og einu sinni... þetta getur ekki orðið verra, við eigum amk ennþá fiskinn í sjónum, framtíð barna okkar og hreinu orkuna. Ég veit bara ekkert hvað gerist á mánudaginn... verður til matur í búðunum og getur maður straujað kortið sitt fyrir honum? Ekki það að ég haldi að það verði panikk og fólk fari að hamstra - það má alls ekki ... nema ég má hamstra, af sjálfsögðu :-)

Flott framtak hjá Glitnisfólki í h-deginu í dag, það er ekkert hægt að gera annað en að sýna samstöðu... við erum ekki nema rúmlega þrjúhundruðþúsund og það ber að vernda og huxa vel um okkur öll.. og ef við gerum það ekki sjálf, hver gerir það þá?

Ég hlakka til eins á morgun, en það er að vakna til 8 mánaða skvísunnar minnar (hún átti afmæli um daginn, þessi elska), byrja daginn á fallegu brosi, lufsast á fætur þegar hún nennir ekki lengur að knúsa mann og kjammsa, elda hafragraut, horfa á Teletubbies og fara í boltaleik... það er það sem gefur mínu lífi gildi - ekki bankainnistæðan mín sem er hvort eð er í haldi ríkisvaldsins...

Að standa sig ILLA í viðtölum...

2008-10-02T09:48:00.003Z

Nú er svo komið að ég er aðeins farin að huxa mér til hreyfings atvinnulega séð og hef verið að fara í einhver viðtöl, bæði í fyrirtæki sem og á ráðningarskrifstofur. Núna er ég samt ekki alveg til í að fara að vinna strax frá lilluni, svo ég hef bara verið að þreyfa fyrir mér, sjá hvaða launakröfur er hægt að setja fram og bara sýna mig og sjá aðra. Af sjálfsögðu dríf ég mig af stað ef rétta boðið býst en málið er bara að ég hef aldrei farið í atvinnuviðtal án þess að landa vinnuni, svo ég hef sett fram gífurlega háar kröfur launalega séð, enda er tíminn með Gullu Nóu í mínum huga afar dýrmætur :-) Núna fram á að þær verði kannski samþykktar af fyrirtæki sem er með soldið spennó starf handa mér... sé til hvort það komi ekki eitthvað í ljós í vikunni... spennó :-)

Annars er enn ein helgin að skella á og ætlar mamma að koma til okkar og vera í nokkra daga - ég er svona að gæla við þá hugmynd að daman verði farin að skríða þegar hún kemur, en samt vona ég eiginlega ekki - því þá þarf mar að byrja alla daga á að moppa alla íbúðina og það er hlutur sem mér finnst óumræðanlega leiðinlegur... :-/

Birgitta Haukdal með vinkonu sinni, Karítas Bláey :-)

Góða nótt mamma

2008-09-28T20:23:00.001Z

Lillan er öll að hressast við og eins og sést á þessu myndbandi er hún búinn að læra að vinka bless til mömmu :)

Sjúk stelpa...

2008-09-27T13:07:00.003Z

Svo bregðast krosstré sem önnur tré og daman er búin að taka sína fyrstu pest - hún er búin að vera með hita og almennan slappleika síðan á fimmtudag og hélt ég bara að barnið væri að kveðja þennan heim í nótt - hitinn rauk upp úr öllu valdi og hún stundi og leið greinilega mjög mjög illa... en þar sem hún er hörkutól og ég vildi ekki vera móðursjúk þá fór hún að braggast eftir að hafa fengið stíl og svaf loks. Núna er hún búin að vera vakandi síðan klukkan hálf niu í morgun og sýnir lítil merki þess að langa til að sofna - hún er ekkert mikið fyrir svoleiðis tímaeyðslu, þessi elska...
Svo við förum ekki í sund í dag en á morgun ætlum við að blása til mannfagnaðar og bjóða systrum tengdó til lunchar ásamt börnum og viðhöldum og ætla ég að elda blómkálssúpu A La Mamma og baka brauð og eitthvað... strákarnir eru báðir hjá okkur og Alex mas nýbúinn að eiga afmæli, ásamt Óla hennar Ottu svo það er margföld ástæða til fagnaðar - eins gott að daman verði orðin frísk :-)

Góða helgi, elskurnar :-)

Af slagsmálahundi...

2008-09-24T11:32:00.002Z

Við hjónaleysin ákváðum að kíkja yfir á Taco Bell í gærkvöldi og fá okkur smá snarl og tókum lilluna með í kerru. Hittum Magga nágranna fyrir utan hús og stóðum við hliðina á bílnum okkar og vorum eitthvað að spjalla við hann. Eins og margur Reykvíkingurinn tók eftir í gær þá var afar þungbúið og búið að vera mígandi rigning allan daginn svo pollarnir á götunni voru margir ansi vígalegir. Skiptir engum togum en það kemur bíll æðandi til okkar á margföldum hámargshraða og ég sé að hann er ekkert að fara upp úr hjólförunum svo pollarnir gusast upp í kringum bílinn, ég byrja að veifa og vonast til að maðurinn keyri ekki svona hratt að okkur, en neinei - hann svoleiðis stakkst í poll og öll gusan yfir hana GulluNóu okkar! Ekki hægði þessi blessaði ökumaður á sér heldur hélt sína leið, þrátt yfir að ég stæði veifandi öllum skönkum og orðin heldur ill á brún... ég (af sjálfsögðu) tók á rás á eftir þessum bíl og ætlaði ökumaðurinn ekki að stoppa við þá sjón! Sem betur fer þá mætti hann öðrum bíl svo hann varð að stoppa og ég náði þar með að hlaupa hann uppi. Ég var orðin svo geðveik og brjáluð af reiði, hamraði svoleiðis í rúðuna og ekki ætlaði 17 ára ökumannsauminginn að rúlla hana niður (örugglega vegna hræðslu- hann hefur örugglega verið búinn að nett hrauna í fínu naríurnar sínar) svo ég reif upp hurðina hjá honum og öskraði svoleiðis af lífs og sálar kröftum hvort hann væri gjörsamlega geðveikur og hvað hann hefði gert sjö mánaða gömlu barni mínu með þessum fokkans hraðakstri. Hann skellti hurðinni all snarlega aftur og opnaði litla rifu á glugganum... hvað er eiginlega að þér - spurði hann... hvað er að mér - öskraði ég á móti... það er 30 km hámarkshraði hérna og það er góð ástæða fyrir hinum - ég var ekkert að keyra hratt - ég var á mesta lagi 35 km hraða! hálf gargaði þessi aumingi á mig! Hvað er eiginlega að þér - öskraði ég (og ég er að meina að ég öskraði af öllum kröftum) þú átt ekkert að keyra svona hratt hérna! Kvakvakva.. hvernig veist þú að ég var að keyra svona hratt? ertu með geisla í augunum? og þegar þarna var komið gekk ég frá bílnum, snéri mér við og gaf honum fokk merki með báðum höndum og gretti mig eins og mér væri alveg sama þótt það kæmu hrukkur eftir þessi viðskipti...

Ef ég rekst aftur á þennan djöfuls glanna hér í íbúðagötunni og hann er ennþá með þessa fokkans stæla þá lesið þið um það á forsíðu DV daginn eftir:

Sturluð húsmóðir (35) fjarlægð úr Ártúnsholtinu

- fórnarlamb segist ekki hafa séð hana koma

Nágrannar staðfesta að konan hefur áður sýnt af sér ofbeldishneigð vegna umferðar í götunni

Assgoti góðar ,,gamlar" hetjur:

2008-09-23T11:19:00.001Z

Væl...

2008-09-22T21:55:00.002Z

... eins og vinur minn hann Andrés myndi segja... en ég er búin að vera með ógeðs hálsbólgu og kvef frá helvíti síðan á laugardaginn. Lufsast um í mýflugumynd og þar sem Einsi þarf að vinna er ekkert um neinn veikindadag að ræða hjá mér með Snúllu Einarsdóttur - neinei, ég verð bara að halda mér góðri þangað til drengurinn kemur heim og þá má ég eiga bágt...

Asnalegt að geta ekki tekið sér veikindadag... ætli ég c nokkuð að vinna mér inn fyrir orlofi heldur...? Samt er þetta ein erfiðasta vinna sem ég hef stundað - en ætla nú ekki að neita því að hún er líka ein sú skemmtilegasta...

2008-09-18T10:42:00.008Z

gékk góðfúslegt leyfi til að setja þessa mynd á bloggið mitt - mér finnst skyrtan og bindið svo flott... sem og strákurinn allur bara :-)

Sko...

2008-09-18T10:42:00.007Z

Núna er ég atvinnulaus og lítið við því að gera í augnablikunu og þygg þar af leiðandi greiðslur frá hinu opinbera. Nú hafa bæturnar staðið í stað alveg lon og don í mörg mörg ár, eða síðanm 2004 að mér skilst. Það þorir engin að segja það en það geysar bara óðaverðbólga og lítið sem yfirvöld eru að gera til að sporna við því... nema af sjálfsögðu að skera stærri kökusneið handa sér, en í dag var ákveðið að hækka laun þeirra um tuttuguþúsund á mánuði.

Hvaða úrræði höfum við sem erum atvinnulaus til að knýja á um leiðréttingu bóta okkar? Veit að það hljómar hálf kjánalega en hvað myndi gerast ef við færum í verkfall? Myndum bara setjast niður þar sem við erum og ekki hreyfa okkur fyrr en tuttuguþúsundkallinn væri kominn inn á bókina okkar, afturvirkt eins og hjá þessum háu herrum. Okkar bætur standa í stað og erum við líklegast sá hópur innan þjóðfélagsins sem verðum líklegast meðhöndluð eins og skítugu börnin hennar Evu - með skúringahönskum, töngum og sápuvatni áður en við fáum kjarabætur.

Rósaball í kvöld!

2008-09-18T10:42:00.003Z

Já, þá er loksins komið að því - ,,litli" drengurinn minn (sem reyndar er mun stærri en ég) er að fara á langþráð Rósaball í kvöld og býður einhverri stelpu úr 8. bekk sér til fylgdar. Þeir strákar eru löngu byrjaðir að plana þetta og pöntuðu Hummerinn fyrir mánuði síðan, borguðu hann fyrir nokkrum vikum og byrjað var að spá í fötum fyrir 3 vikum... svo var af sjálfsögðu farið í klippungu til Áslaugar okkar í gær, fötin mátuð aftur og nýjir skór gengnir til í rólegheitunum... Eitt er þó sem skyggir á en strákarnir segja að stelpurnar í 8. bekk séu allar feitar og ljótar en ég trúi því ekki fyrr en í fulla hnefana - það skiptir heldur ekki máli - það er ballið og stemmarinn sem kántar :-)

Verst þykir mér þó að nú er mamma svo ógurlega hallærisleg að ég má ekki sjást - hvað þá fylgja þeim og taka mynd af Alla mínum með dömunni sinni...

Myndin er frá því 2006 en vonandi fæ ég nýja mynd með nýrri dömu á morgun :-)

Afsakið mig...

2008-09-17T16:27:00.004Z

En persónulega er ég orðin dauðleið á þessu hælisfólki hér á landi... í fyrsta lagi þá mátt þú alveg búast við einhverju eftirliti hjá þjóðinni sem þú lifir á... EN HVAÐ Í HELV.. ERTU ÞÁ AÐ GERA MEÐ TVÖHUNDRUÐÞÚSUND Í REIÐUFÉ undir rúminu þínu??? Það þýðir ekkert fyrir þetta lið að halda því fram að það hafi safnað þessu því þau fá 2500 kall á dag til að lifa af*... (þurfa náttlega ekki að borga undir rassgatið á sér í húsnæði og fæði) og það finnst þeim naumt skammtað... Þau mega ekki vinna, svo ekki eru þetta tekjur... þetta hlýtur þá að vera
a) hagnaður af svartri vinnu
b)þýfi - og í báðum tilfellum ætti að gera þennan pening upptækan og flengja opinberlega þann sem á rúmið sem þetta fannst undir - senda hann svo úr landi, takk fyrir!

Ekki vil ég fá svona skítapakk inn fyrir okkar dyr, takk fyrir...

*) Leiðréttist hér með að þetta lið fær 3.000,- pr. viku í vasapening... það er meira en íslenskur sonur minn fær - það er nær mánaðarlaununum hans :-/

Tvær dömur í fríi og kallinn að vinna :-(

2008-09-15T22:30:00.002Z

Góðum kafla í lífi okkar mæðgna er lokið - Einsi er farinn að vinna :( Fyrsti dagurinn í dag og hann svaf yfir sig, þ.e. daman ákvað að sofna kl. 19:30 í gær og svaf alveg til níu, en þá ætlaði Einsi að vera löööngu mættur í vinnuna - en það er allt í lagi - gott að gíra sig bara rólega upp. Við erum svo bíllausar á morgun og verðum að rölta okkur um allt ,,eins og í gamla daga" - labba út í búð og kannski á bókasafnið. Verð að viðurkenna að ég sakna þessarar rútínu svolítið, vakna, búa um rúmin, borða og gera morgunverkin - leggja sig svo kannski með dömunni, vakna, borða, leika sér og gera smá húsverk og leika sér svo meira... þegar Einsi er heima þá freistast maður alltaf í einhverjar framkvæmdir eða ferðalög...

Ég kannski drullast til að baka þessa súkkulaðiköku sem er búin að vera á takteininum aaaansssi lengi...?

Hipp hipp - Barbabrella!

2008-09-10T22:10:00.006Z

Við erum búin að setja upp nýju eldhúsinnréttinguna og það var ekkert lítið erfitt, mar! Jafn erfitt og ég er glöð yfir því að þetta c búið og núna get ég í alvörunni keypt stóran pakka af t.d. tei og þarf ekki að endurskipuleggja allt vegna umfangs þess kassa - núna geta vel 2-3 eldað í einu og ef við viljum erum við með mjög hentugt bar-morgunverðar-forrétta borð undir glugganum sem var einu sinni helsta inn- og útgönguleiðin hennar Gullu fjórfættu... Úff hvað þetta tók samt á! Ég elda alltaf á kvöldin og verð að fá heimatilbúinn mat á réttum tíma og þessi vika sem þetta tók var ógurleg, alveg hreint ógurleg... og ekki bætir að við erum á Champix lyfjakúrnum svo álagið hefur verið X-tra mikið og ég gjörsamlega sprungið reglulega :-(

Hvað um það - ég er hin ánægðasta með þetta eldhús og ekki skemmdi fyrir hvað IKEA er liðlegt fyrirtæki að skipta við - ekkert mál að taka hluti til baka sem voru ekki einu sinni í umbúðunum... ég var mas búin að skrúfa einn skáp saman sem við hættum svo við að nota og var ekkert tiltökumál að taka hann aftur til baka - viljið þið fá endurgreitt eða inneignarnótu var bara spurt... ekki oft sem maður lendir á svona góðri þjónustu. Við vorum líka búin að skoða margar innréttingar og hvergi var þetta undir 700 þúsund eða milljónkallinum en IKEA var svo langt langt undir því og flott eldhús sem ber þess ekkert merki að vera ódýrast á markaðnum.

Svo eru það bara endalaus matarboð framundan :-)

Blogger er með leiðindi og vill ekki setja inn myndir en ég er búin að búa til nýtt myndaalbúm og þar er hægt að sjá nýju fínlegheitin okkar :-)

Skruppum í skoðun...

2008-09-01T12:13:00.002Z

og fengum svona líka glimrandi einkun fyrir barnið - en nákvæm mæling sýnir að hún er orðin 8.470 grömm og 70,5 cm að lengd. Svo það er allt í góðu - nema hvað ég er ansi hrædd um að hún sé núna komin með læknafóbíju - hún bilaðist þegar hún fékk sprautuna og mundi greinilega vel eftir þessum fæðuofnæmislæknadjöfli sem píndi hana svo síðast ...

En hún fékk sem sé góða einkun og við góða heilsu - í dag ætlum við með barnið í Fjölskyldu- og húsdýragarðinn að skoða dýrin... enda er að ég held eini sólskynsdagurinn í allri vikunni í dag :-)

Brjáluð!

2008-08-30T11:25:00.003Z

Við fórum með dömuna upp á spítala í gær og var hún mæld og könnuð á alla kanta - kom vel undan skoðun og er orðin 8,5 kíló og 69 cm. Svo var búið að semja um að við Einsi og GullaNóa gæfum blæóðprufur og átti það ekki að vera neitt mál - nema hvað... læknirinn segir um leið og hún er að reyna að finna æð að þau stinga ekki nema að sjá æðina og finna fyrir henni. Stingur svo dömuna og hittir ekki í æðina en fer að reyna að stjaka nálinni inni í hendinni til og frá til að hitta á eitthvað :-( GullaNóa (af sjálfsögðu) b i l a ð i s t! Hún varð hoppandi brjáluð enda var þetta örugglega fokkans vont (sem ég reyndar komast að -örskömmu síðar á eigin skinn örskömmu síðar) og hún hágrét svo innilega og bara skildi ekki þessa meðferð! Eftir smá hjakk og illt augnaráð frá okkur foreldrunum var ákveðið að reyna annarsstaðar - en daman endaði á að fá stungu í hausinn og ekki varð hún rólegri við það - augnaráðið sem ég fékk frá henni þegar ég var að halda henni kjurri var alveg til þess að ég næstum labbaði með barnið út - með sprautuna í hausnum! Hún róaðist dulítið þegar þetta var búið en ekkinn var gífurlegur - gáfum henni pela og svo var hugað að því að draga blóð út foreldrunum. Einsi stóð sig eins og hetja og var ekkert mál að taka úr honum blóð... en ég var eins og dóttir mín - ekkert blóð kom úr æðum mínum, enda þekkt fyrir að vera mjög blíðlítil og með blóðþrýsting um frostmark. Ég fékk því að finna fyrir köldu stálinu grafa um sig inni í hendinni á mér og í staðin fyrir að öskra og fara að grenja (eins og mig langaði til) þá horfði ég á dóttur mína og skildi hana svooo vel :-/

Daman í baði að leika sér við duddulíng og annað dót :-)

Nó tíVíí :-/

2008-08-28T21:12:00.005Z

Við urðum fyrir því óláni að peran okkar í myndvarpanum (okkar tella) sprakk og það kostar ekkert lítið að fjárfesta í nýrri peru að utan - þessi ljósapera er flokkuð sem lúxusvara og því tvöfaldastt hún í verði við að koma inn fyrir íslenskar dyr. Núna sjáum við fram á að vera búin að kaupa svo oft perur að við hefðum alveg eins getað keypt okkur flatskjá og ef við kaupum enn eina peruna hefðum við alveg eins getað látið hann vera 52ja tomma, eða svo :-/ Svo ef einhver þekkir einhvern sem er að koma frá JúEssEi þá væri ég alveg til í að baka kryddköku fyrir viðkomandi ef hann/hún kippti með sér eins og einni peru í handfarangri ;-)

Kosturinn við þetta er af sjálfsögðu að maður afrekar alveg gífurlega - við erum að dunda okkur við að setja saman nýju eldhúsinnréttinguna, erum búin að henda upp skáp og nýjum vaski á neðra baðið, ég er einni þvottavél frá því að vera búin að þvo ALLT - og það hefur ekki gerst síðan... aldrei bara! Svo þetta er alveg ok og maður sér alveg að þetta sjónvarp/myndvarpi er hinn mesti tímaþjófur og kemur bara í veg fyrir skemmtilegar samræður og klósettþrif :-)

Við GullaNóa fórum af sjálfsögðu niður í bæ í gær og vorum ekki í slæmum félagsskap, en hún Heiða okkar kom með okkur. Við flúðum strax til Hróa en þaðan var gegt útsýni yfir bílinn þegar hann ók fram hjá og af sjálfsögðu leit Róbert beint í augun mín og við það rann ég bara hreinlega til... þessir strákar allir eru ekkert smá... grrrr...!

Aðdáandi númer eitt og eitt og hálft

Eitt, eitt og hálft og svo hinn helmingurinn af mér, ein og ein fjórði :-)

Annars fór ég aðeins í vinnuna í dag, já í gömlu vinnuna mína til að redda smá og það sem ég var þreytt eftir þennan tvo og hálfan tíma sem ég var þar - það var ógurlega gaman að sjá þessa gömlu vini og ætla ég að fá mér föstudagskaffi með þeim í fyrramálið og klára að þetta dæmi sem ég gat ekki klárað í dag ... huxa sér ... að fara að vinna í fyrramálið eins og bara hinn almúginn... hahha... óskaplega notaleg tilfinning :-)

GullaNóa okkar er í svona fæðuofnæmisrannsókn en við ákváðum að taka þátt í henni þegar ég var komin 12 vikur á leið og hefur verið svolítið fylgst með henni út af því. Fékk ég símtal frá rannsóknaraðilanum um daginn og vildi hún fá fréttir af heilsu barnsins... sem er bara svo glimrandi góð að hún er að fara upp á spítala á morgun og verður hún í samanburðarhópnum á móti börnunum sem eru alltaf veik... við erum svo ógurlega heppin (sjö, níu, þrettán) að hún hefur ekki fengið kvef né marblett, þessi elska - ætli ég fái ekki nýjar tölur á morgun, þ.e. þyngd og hæð. Annars er hún að myndast við að reyna að skríða, farin á fjóra og skakar sér fram og aftur. Hefur samt alveg vit til að liggja bara og spyrna sér áfram og þannig komast að því sem hana langar í það og það skiptið...

Úff, þetta er nú meiri langavitleysan - farin upp í rúm að lesa - en ég er að lesa bókina um hann Jörund Jörundson, betur þekktur sem Jörund Hundadagakonung og þykir mér hann vera kynlegur kvistur - kynlegri en Kvisturinn sjálfur mas :)

Gúten naghten...

Til hamingju Ísland!

2008-08-24T15:23:00.004Z

Af sjálfsögðu var blásið til veislu hér eldsnemma í morgun og henti kerlingin í Amerískar pönnsur og tók á móti gestum. Sumir komu beint neðan úr miðbæ en aðrir bara úr rúmunum sínum - Fékk alla fjölskylduna til að kíkja niður í gúmmelaði og stemmara á einhverjum tímapunkti þótt sumir hafi farið að sofa aftur.. gaman að því. Verst að þetta lið var barsta ekkert það sama og spilaði á föstudaginn, þreytan og ánægjan með að næla sér í amk silfrið greinilega að hafa áhrif á menn - en hey! Við fengum 15 silfurpeninga í dag og margfölduðum þar með silfrið í skápum okkar :-)

Alda og Einar Logi með skvísuna að hvetja okkar menn áfram

Þarf ekki einu sinni að ...

2008-08-23T14:28:00.004Z

taka fram að af sjálfsögðu hefur maður verið eins og límdur við myndvarpann sl. daga og gengi liðsins hefur verið alveg ótrúlegt - ég bara á ekki til orð yfir því hvað þeir eru að toppa ágóðum tíma og leikurinn í gær gegn arfaslökum spánverjum var onbúlívabúl...

Samkvæmt tilskipun frá Forseta vorum hélt ég mína eigin þjóðhátíð í gær með tiheyrandi þvinnku í dag - var búin að gleyma hvað það er óþægilegt... :-(

Svo býð ég í Amerískar pönnukökur í fyrramálið ef einhverjir vilja kíkja inn og horfa á leikinn með okkur

Áfram Ísland!

Vís - þar sem tryggingar snúast um PLOKK!

2008-08-19T12:33:00.002Z

Við lentum í því leiðinlega tjóni að það var keyrt á bílinn okkar um daginn og stungið af og er hann því á verkstæði núna. Við erum tryggð upp fyrir haus og fengum því bílaleigubíl á meðan á viðgerð stendur, en það tekur einhverja daga að taka eitt bretti af og sprauta upp á nýtt. Ég skaust í morgun og lagði inn bílinn og ætlaði að taka bílaleigubílinn... fékk lykla að Yaris :-( Veit ekki hvernig starfsmenn og stjórnarformenn hjá VÍS fara að því að koma 72ja ára gamalli konu, sem er einhent inn og út úr svoleiðis smádollu - en ég get það hreinlega ekki. Við erum búin að standa í stappi í allan morgun við tryggingafélagið og því miður, það er alveg sama hver fjölskyldustærðin þín er, hverjar eru þínar aðstæður og okkur er bara nákvæmlega sama hvernig þið farið að þessu - það er ekki okkar vandamál, við erum að gera ykkur greiða með því að borga undir bílaleigubíl fyrir ykkur, svo þið ættuð bara að þakka fyrir... þetta eru svörin sem við höfum fengið í morgun. Ég spurði hvernig ég ætti að fara að því að koma einum 15 ára ungling, einum 16 ára ásamt barnabílstól í aftursætið... sagt að það væri bara mitt að redda því.Við borgum þeim fleiri hundruð þúsund í tryggingar á ári og eftir smá eftirgrennslan þá munar tvöþúsundkalli á dag í leigu á Yaris og Corollu, sem er mun stærri bíll. Ég er svo gjörsamlega yfir mig hneyksluð á þessari skítaframkomu hjá þessu blessaða fyrirtæki að ég á ekki til eitt einasta orð... er eiginlega á því að standa fyrir utan með skilti og mótmæla slagorðinu þeirra því þarna snúast tryggingarnar ekkert um fólk - heldur um peningaplokk!

Plís!

Berðu mig í móa? Úti í Hróa?

2008-08-17T21:41:00.004Z

Mamma er kominn í bæinn og ætlar að vera í einhverja daga hjá okkur svo núna erum við sannkölluð stórfjölskylda! Af sjálfsögðu var tekið á móti henni með læri og tilheyrandi og við Alli bjuggum til klikk ostaköku - sem var bara punkturinn yfir i-ið.... ef ég hefði fengið mér aðra sneið hefði ég sprungið í loft upp eins og kallinn í myndinni þarna. Annars er lítið að frétta, erum bara í eldhúsinnréttingarpælingum og hellum okkur væntanlega út í það í vikunni, daman er alltaf jafn dásamleg og hættir aldrei að brosa og svo á að reyna að skella sér í smá berjamó... veit bara ekkert hvert er best að fara... any ideas? Ég fór einu sinni á stað sem mér fannst vera agalega heppilegur, þá var Alli minn bara sex ára og við vopnuðumst dósum og teppi og ætluðum sko að græða ber... ég brá mér bara rétt fyrir utan Reykjavíkinna, taldi mig heppna að þurfa ekki að eyða deginum í langferð og við týndum smá ber... ekkert mikið neitt, ég var alltaf að heyra einhverja skothvelli og hélt að rjúpnatímabilið væri byrjað. Svo kom ég í vinnuna daginn eftir og var að montast yfir því hvað ég var sneddý... en komst þá að því að ég fór víst með drenginnn á æfingarsvæði Skotveiðifélags Íslands! Úfff...

???

2008-08-13T19:08:00.003Z

Veit ekki með ykkur en ég er gjörsamlega búin að fá mig fullsadda af hroka og yfirgangi Geirs H. Haarde... áðan var viðtal við hann á Stöð tvö vegna þessarar skýrslu um veru okkar á lista Hinna Staðföstu Þjóða... eitthvað er komið fram um að Bandaríkin hefðu verið búin að bóka stuðning okkar við þá áður en við gáfum út yfirlýsingu þess efnis, en það líklegast eitthvað fléttað við brotthvarf hersins frá Keflavíkurflugvelli... kannski fengum við að hirða allt draslið eftir þá ef við segðum bara já og amen... eftirá? Hvað um það - Geir fyrst neitar að kannast við að þeir hefðu verið búnir að bóka stuðninginn við okkur áður en það var gefið út og skákar einum degi í frásögn Forsætisráðherra vors - svo segir hann það barsta ekkert skipta máli - getur ekki séð að það komi málinu við - eða neinu máli...

Af sjálfsögðu gleypti fréttamaðurinn þetta bara og viðtalinu lauk - enda var hann líklegast búinn að bóka þetta viðtal með löngum fyrirvara og vill ekki blása á hárið á Forsætisráðherra Vorum með ,,dónalegum" spurningum...

Legg til að það verði gerð þjóðarsöfnun og að við sendum manninn á námskeið í að koma fram fyrir alþjóð, því hann er jú að vinna fyrir okkur, er það ekki? Og á maður ekki að koma fram við atvinnurekanda sinn af virðingu og vera viljugur til að svara spurningum fulltrúa þeirra?

... mig grunar amk að ef ég svaraði mínum vinnuveitanda svona þá yrði maður fljótlega látinn fara...

...svo er það bara spurningin hvort Sjálfstæðismenn hafi lesið bloggið mitt, því það lítur allt út fyrir að þeir vilji ,,hreinsa út borgarstjórann"... :-)

... gott að vita að einhver er að lesa, annar en mamma og Fríða syss ;-)

Hvað ertu stór?

2008-08-13T14:13:00.000Z

Dagurinn í dag...

2008-08-12T18:08:00.007Z

Byrjaði á skemmtilegri sundstund hjá okkur - GullaNóa var að fá svona kút sem hún getur setið í og fannst henni rosalega gaman að prufukeyra hann - sem og okkur foreldrunum að fylgjast með henni. Svo kafaði hún náttlega eins og herforingi, synti eins og hermaur og reis næstum upp úr balanum sem ég lét hana sitja í á meðan við vorum að sturta okkur... greinilegt að tími þess er liðinn og nú er bara að hafa hana í sturtustól :-/

Svo brunaði ég í Ríkið löngu fyrir h-degi og leið eins og hinum fullkomna róna þegar ég bað um kældan bjór, á virkum degi ...

Svo var fengið sér sígó og bjór ÞVÍ VIÐ UNNUM FOKKANS ÞJÓÐVERJANA! ... ógurlega stolt af strákunum, en þetta kom mér svosem ekkert á óvart, því þegar það er engin pressa á okkar mönnum þá leikum við eins og heimsmeistarar... best að óska þeim alls ills í næsta leik (Alexander Peterson er sko #1 á 1 manns listanum hjá mér!) :-/

Svo kom Heiða okkar í kaffling og horfði smá á leikinn með okkur - held að hún hafi barasta verið happa :-)

Svo fórum við niður í bæ að gefa öndunum brauð og þessi helvítis mávadjöflar gengu svo framm af mér að ég er ennþá með ógeðið upp í hálsi... hélt á einni brauðsneið og var að reyna að henda ögnum til andanna, en fann svo bara þyt í hárinu og allt í einu hélt ég bara á hálfri brauðsneið! Þá hafði eitt ógeðið barasta ráðist á brauðið og skeitti engu um hver eða hvað hélt á því... var alveg með hroll í hárinu í allan dag... ætti að skjóta þessar lirfur með vængi á færi... selja bara veiðileyfi á þá á Menningarnótt og nota peninginn til að kaupa brauð handa greys sveltandi öndunum sem eru við Tjörnina... eða hreinsa hana bara... eða bara hreinsa út borgarstjórann... ?

Því næst fórum við á Austurvöll og hittum fullt af fólki sem við þekkjum, þ.a.m. var hún Alda okkar að skála í hvítvíni og Sprite... mmmm... mjög ljúffengt, svona rétt þegar bjórinn var farinn að renna af mér :-)

Svo var farið áleiðis heim, en við ætlum að grilla með vinum okkar í kvöld og svo er póker með genginu...

Úffff....allt of langt og flókið blogg... farin út í sólina ;-)